АЖИГЛАГЧ

Монголд, Монголын хэвлэл мэдээлэлд юу болж байна?

Archive for the ‘Гадаадын хэвлэл мэдээлэл’ Category

Хятад сэтгүүлүүд

Posted by Бид on 2009/09/18

Бээжин сууж, би бас сууж байснаа саяхан тийшээ явахдаа сонины мухлагуудыг анзаарч хэдэн зураг дарснаа сонирхуулья. [Уг нь томоор авсан тод зургууд боловч зайндаа тааруулж багасгав].

Hyatad setguul kiosk (1)

Read the rest of this entry »

Posted in + СЭТГҮҮЛ, Гадаадын хэвлэл мэдээлэл, ДЭЛХИЙ: Улс орон, байгаль, газар зүй | 4 Comments »

Румынд мэдээ бол мэдээ. “Бараан” юмуу “гэгээлэг” мэдээ гэж байхгүй болов

Posted by Бид on 2008/07/15

6-р сарын 26-нд Румын улсын парламентын дээд танхим болох – Сенатаар санал нэгтэй сайшаасан нэгэн хуулийн төслөөр бол телевиз, радиогий нэвтрүүлэгт сайн, муу мэдээ яг тэнцүү байх ёстой байжээ. Энэ хуулийг Үндэсний либерал нам болон Агуу Румын хэмээх хэт барууны консерватив намыг төлөөлсөн 2 депутат иргэдийн амьдрал, сэтгэл санаанд муу мэдээ сөрөг нөлөө үзүүлж байгаад санаа зовж санаачилсан гэнэ. Ийм хууль нийгмийн уур амьсгалыг эрүүлжүүлж өдрийн үйл явдлын тэнцвэртэй дүр зургийг үзэж харуулна гэж тэд үзжээ.

Ямар мэдээг сөрөг, ямар мэдээ эерэг гэх вэ? Үүнийг Үндэсний Аудиовизуал (радио, телевизийн) зөвлөл тодруулах ёстой гэнэ. Харин тус зөвлөлийн дарга Разван Попеску (Rasvan Popescu) хуулийн төслийг нааштай  үнэлэхгүй байгаа бөгөөд “Мэдээ бол мэдээ, эерэг, сөрөг гэж байхгүй бөгөөд бодит байдал ямар байгааг л тусгадаг. Иймэрхүү хязгаар тогтоох нь үр дүнтэй болно гэж үзэхгүй байна, Үйл  явлдлыг урьдчилан таах боломжгүй” хэмээн мэдэгджээ.

Харин Румыны Ардчилсан Нам уг хуулийг цуцлахыг шаардсаны дагуу Үндсэн хуулийн цэц хэлэлцээд Сенатаар баталчихаад байсан дээрх хуулийн төсөл үндсэн хуульд харшилж байна гэж үзжээ.

Манайд ч гэсэн хэвлэл мэдээлэл амьдралыг хэт харлуулж байна гэж байнга шүүмжилдэг, зарим эрхлэгч, захирал, сэтгүүлчид бараан биш “гэгээн”,“гэгээлэг”, ”гэгээтэй” мэдээллийг амлаж тэр чигээрээ магтаал сайрхлын мэдээ, сурвалжлага, ярилцлага, нийтлэл, нэвтрүүлэгт умбуулдаг билээ.

Posted in Гадаадын хэвлэл мэдээлэл | Leave a Comment »