АЖИГЛАГЧ

Монголд, Монголын хэвлэл мэдээлэлд юу болж байна?

Монголын оронд Марокко

Posted by Ажиглагч on 2012/04/01

1940 онд Сибирийн Гулагт хоригдож байсан польш, америк, латви, югославийн хэсэг иргэн умрын нүүр нүдгүй шуурган дундуур оргож урагшаа Байгаль нуурыг бараадан улмаар Монголыг урдаас хойш нэвт өнгөрч Түвд ороод цааш Хималайг  давж Энэтхэг хүрч байгааг харуулсан “Гэрийн зүг” (The Way Back) уран сайхны киног олон нийтийн телевизээр.

CCCР-ийн нутгаас гарчихвал эрх чөлөөтэй золгоно гэж төсөөлсөн тэд Монголд нэвтрээд тааралдсан өндөр баганат хаалган дээр Иосиф Сталин, Хорлоогийн Чойбалсан хоёрын зураг байхыг хараад бас коммунист улс гэдгийг сая мэднэ. Холливудын кинонд баатруудаа монголын нутгаар аялуулна гэдэг ховор тохиолдол учраас 1940 оны Монголыг яаж харуулах нь сонин байв. Даанч манай нутаг тэр дороо говь болж эхлээд сүйдсэн ганц сүм сүм тааралдаж, тэгтэл өндөр тоомсог унасан дундаж ази маягийн хэдэн джигит учир зүггүй давхиж ирээд ирээд “мөргөлчид үү?” гэж асуугаад тэр чигээрээ давхиж одсоноос өөр ганц хүн алга. Яаж ч бодсон хаа нэгтээ ядахдаа ганц монгол гэр цайрч харагдмаар. Интернэтээс хайж үзвэл уг киноны  зургийг Болгар, Марокко, Энэтхэг гуравт авсны Монголыг Мароккогоор орлуулсан болж таарлаа.

Уг киног Гулагаас 6 хоригдол оргож яг тэр замаар Энэтхэг хүрсэн бодит явдал дээр тулгуурласан гэх “Сталины лагераас зугатсан нь” нэртэй польш зохиолоор бүтээсэн гэжээ. Дэлхийн 2-р дайны дараа германы олзны цэрэг Сибирээс оргож дундаж Азиар дамжин Иран хүрч нутагтаа буцсан түүх, тийм кино байдгаас өөрийг сонсоогүй тул дахин Интернэт ухваас BBC хэдийнэ эрэн сурвалжлага явуулж Монголоор дайрсан тэр үйл явдлыг санаанаасаа зохиосныг олж тогтоосон юм байна. Худлаа зохиол учраас зохиогч нь монголыг Марокко, тоомсог, джигит маягаар бичиж, Холливуд киногоо тэгэж хийгджээ. Хэрвээ үнэхээр Монголд орж ирсэн бол манай баатарлаг хилчид хойт биш гэхэд өмнөд хил дээр бариад авна, тэрнээс бүр өмнө хонь хариулж яваа нэг жаал гахай явган хэдэн навсгар нөхдийг тэртээ холоос харж томчууддаа, цаадуул нь багийн даргад, багийн дарга дотоодыг хамгаалахынханд дуулгаад … нэг мэдэхэд буцаад Гулагт хүргэгдсэн өөр кино байхсан. БНМАУ-ыг коммунист гээд явган алхаад нэвт гарч болдог шүүрэн шанага шиг харуулсан нь таалагдсангүй.

One Response to “Монголын оронд Марокко”

  1. Tsomo said

    Ene ch arai dendenee. Tegeed ter MCS-iin hariu medegdeliig ni harsan uu? Shal hamaagui yum yariad yavsan bsan…

Сэтгэгдэл бичих

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: