АЖИГЛАГЧ

Монголд, Монголын хэвлэл мэдээлэлд юу болж байна?

Зайсан толгой бүслэгдлээ.

Posted by Ажиглагч on 2010/06/20

Дархан цаазат Богд хан уулын Зайсангийн амыг барилгаар дүүргэсэн багадаад одоо голд нь торойх Зайсан толгой руу өнгөлзөж өнгөрч буй долоо хоногт “Собт трэйд” нэртэй компани баруун хойт энгэрийг нь хашаалж хүнд техник аваачин ухаж эхэлсэн байна. Энэ бол “Оюуны ундраа” холдингийн нууц охин компани бөгөөд өөрийн босс – УИХ-ын гишүүн, Онцгой байдлын сайд асан С.Отгонбаярын мандан бадралын 2005-2007 оны хооронд аялал жуулчлал хэмээх гэм хоргүй нэрээр (эндхийн бусад бүх барилгуудтай адил) газрын зөвшөөрөл авч хадгалаад одоо БОАЖЯ-наас уг зөвшөөрлийг цуцалсныг мэдэнгүүтээ нуувчнаасаа гарч давшилтанд орсон хэрэг. Тэнд хөшөө дурсгалд мөнхөрсөн зөвлөлтийн дайчид дуугарах биш…

Үүнийг мэдсэн мэргэжлийн хяналтын байцаагчид очиж ажлаа зогсоохыг шаардан, улмаар хэвлэл мэдээллийнхэн шавж бөөн шуугиан дэгдлээ. “Собт трэйд” компанид Зайсангийн энгэрт барилга барих зөвшөөрөл байхгүй, байх ч ёсгүй ажээ. Гэсэн ч тэд том самбар, газрын диваажин байгуулах гайхамшигтай төсөл, хөрөнгө оруулалтын 20 сая доллар, бас зураг төсөлд зарцуулсан 2 сая доллар гэсэн сүрдмээр тоонуудаар гайхуулах, шантаажлахыг хослуулж гарлаа.

Хачирхалтай нь 6-р сарын 16-ны Лхагва гаригийн орой манай хэдэн “том” телевиз “Собт трэйд”-ийн охин телевизүүд шиг аашлав.

МҮОНТ-ийн “Цагийн хүрд” мэдээллийн хөтөлбөр:

Оршин суугчид нь нэг саяас давж дэлхийн томоохон хотын жагсаалтанд багтсан хэдий ч Улаанбаатар хотын иргэд чөлөөт цагаа зөв боловсон өнгөрөөх нэг ч газаргүй өнөөдрийг хүрч байгаа юм. Байгаа ганцад нь Зайсан толгой тооцогдож байгаа ч асдаг гэрэлгүй, суудаг сандалгүй, хогондоо дарагдсан байдалтай өдөр хоногийг өнгөрөөж байна. Энэ байдлыг өөрчлөхөөр “Собт трэйд” компани 10 сая долларын хөрөнгө оруулалт бүхий цогцолбор төслийг хэрэгжүүлэхээр бэлтгэл ажлаа холбогдох шаардлагатай бүхий л баримт бичгээ бүрдүүлээд шаваа тавьж ажлаа эхлэх гэтэл гэнэт л түүх, соёлын дурсгалт газар гэсэн шалтгаанаар Байгаль орчны яам зөвшөөрлийг нь цуцлахаар болжээ. Гэтэл Боловрсол, соёл, шинжлэх ухааны яамнаас өгсөн албан бичигт манай улсын түүх соёлын дурсгалт газрын жагсаалтанд байдаггүй гэдгийг дурдсан байна. Энэ бүхий эцэст бүтээн байгуулалтын том ажлын зөвхөн бэлтгэлийг нь хангахад 2 сая гаруй долларын зардал гаргачихаад байгаа “Собт трэйд” компанийнхан хохироход хүрээд байна.

“Зайсан” соёл амралтын цогцолбор төслийн менежер Э.Даваадорж

– “Собт трэйд” компани 2005 онд Байгаль орчны яамнаас зохих журмын дагуу энд аялал жуулчлалын зориулалтаар үйл ажиллагаа явуулахаар зөвшөөрлийг аваад Байгаль орчны урьдчилсан үнэлгээ гэх мэтчилэн шаардагдах бүх бичиг баримт, судалгаа шинжилгээний ажилдаа орж өнөөдрийг хүртэл энэ төслийг урагшлуулахаар хүч зав гарган зарцуулах ажиллаж байна. Энд байшин барилга барихад зүгээр нэг өнөөдөр зөвшөөрлөө аваад маргааш барьчихдаг асуудал биш.

Мянганы зам, Чингэсийн хөшөө гээд монголчуудын бүтээн байгуулалтын томоохон төслүүд амжилттай хэрэгжиж өнөөдөр бид үр дүнг нь хүртэж байгаа ч тухайн үедээ ямар их хэл ам дагуулж болохгүй бүтэхгүйгээр нь дуудаж байсныг үзэгч та бүхэн санаж байгаа. Тэгвэл тухлаад суучих сандалгүй, нар хаах саравчгүй Зайсан толгойд үндэснийхээ түүх соёлыг илтгэн харуулсан, өөрөөр хэлбэл байгалын түүхийн болон угсаатны цогцолбор, усан оргилуур бүхий ногоон байгууламжийг барьж байгуулах энэ төслийг эхлүүлэхэд яагаад ийм их хүнд суртал саад бэрхшээл тулгараад байгааг “Собт трэйд” компанийнхан ойлгохгүй байна.

Зайсан соёл амралтын цогцолбор төслийн менежер Э.Даваадорж

– Бид хууль дүрмийн дагуу барилга эхлүүлэх зөвшөөрлөөс эхлүүлээд газрын лиценз бүх юм хууль дүрмийн дагуу явж байсан. Газрын зөвшөөрөл ном журмын дагуу төлж ирсэн. Түүнээс гадна энэ цогцолбор, энэтэйгээ хамааруулж бид зөвхөн байшингаа бариад зогсохгүй энд усан оргилуурын төв ногоон байгууламж, энэ бүх зураг төслийг цогц байдлаар шийдсэн байгаа.

Зайсан толгойд Монгол-Зөвлөлтийн найрамдлын билэг тэмдэг учраас одоо байгаа хөшөө дурсгалыг шинэчлэх засварлаж арчлалт хамгаалалтыг нь хариуцах үүргийг ч тус компанийхан өөрсдөө үүрсэн байна. Түүнчлэн одоогийн байдлыг нь хадгалах үүднээс маш бага хэмжээний гадсан суурийн ухалтыг хийж байгаль экологид хохирол учруулахгүй байхаар төлөвлөжээ [Сурвалжлага төгсөв]

Үнэхээр тийм үү? Яаж мэдэж байна аа? Хэрвээ сурвалжлага цааш үргэлжилсэн бол “Собт трэйд”-ийн тухай шүлэг дуунд шилжих байсан биз.

Харин уг асуудалд өөр тайлбар өгсөн мэргэжлийн хяналтынхныг ор тас “мартсан”-аа санаж хаяагаа манахаар шийдсэн үү, эсвэл “Собт трэйд”-эд улам илүү таалагдахийг хүссэн үү, дахиад нэг сурвалжлагыг бэлтгэж маргаашийн “Цагийн хүрд”-ээр үзүүлэв. Ингэхдээ мэргэжлийн хяналтын байцаагчийн ярианаас “Собт трэйд”-тэй холбоотой хэсгийг бүрэн хассан төдийгүй өмнөөс нь “Зайсанд баригдсан өндөр барилгуудыг монголын төр буулгаж чадахгүй” хэмээн барьцаж, бас тэнд газар авсан “Жигүүр гранд” (хэд хоногийн өмнө өмөөрөөд байсансан), Мантууш зэрэг компаниудын нэрийг дуудан дахин барьцаж өгөөд “одоо бол өнгөрсөн” гэсэн дүгнэлтээр төгсгөв.

“Собт трэйд” ялна гэсэн үг. Энэ нь Зайсангийн баруун бэлд томоос том хашаа хатгаад чимээгүйхэн хүлээж суугаа нэр нь үл мэдэгдэх компаниудад “урагшаа” гэсэн дохио юм. Хэрвээ мэргэжлийн хяналтын ирж элдэв юм ярьж шуугиан дэгдээвэл тэд МҮОНТ тэргүүтэй телевизүүдтэй “тулж ажиллах”, бас хажууханд нь ордонгоо барьсан Үндсэн хуулийн цэцтэй барьцахаа мэддэг боллоо. 

Мөн МҮОНТ-ийн зэрэгцээ TV9, TV5 телевизүүд бараг ижилхэн сурвалжлагуудыг үзүүлсэн юм.

Зайсан толгой бүслэлтэнд оржээ. Хажуу бөөрнөөс нь барилгын компаниуд, хаа холоос телевизүүд галлаж байна.

“Собт трэйд” компани энэхүү самбартаа амалснаас үзэхүл, “Зайсан соёл амралтын төв” баригдсанаар Зайсангийн амны бусад бүх барилга алга болж онгон дагшин байгаль сэргэнэ. Ганцхан Зөвлөлтийн дайчдын хөшөө цогцолбор үлдэхийг зөвшөөрчээ. Гэхдээ цаадуул нь эргэж барьцаад буцаагаад барилгаар  дүүргэж л таарна.

P.S: Собт гэж Зайсан бол С.ОтгонБаярын Толгой гэнэ.

7 Responses to “Зайсан толгой бүслэгдлээ.”

  1. tumuruu said

    Dam sonsvol oros hyatad 2 zaisan tolgoi deer baildahiim baina lee. Bid nar orosiin gesen bolgoniig uzen yadsaar baigaad hyatad solongosoor zaisan duurgeed daraa ni benzingui gulug bolohwii dee.
    tavan tolgoi, oyutolgoi eder geel tomorood baidag getel oros hyatad 2 chine aimer sain naizuud…solongos bol ter 2iin hajuud dunguj tursun bacaan. mongol harin aliigaa medehgui erguuteel dund ni guigeed baigaashd. hun bolgond ochij dolignool

  2. tumuruu said

    manaihan saw l hiiwel zaisan deer garch hotoo hardag ene baishin barigdval yun hot we? yanhanii gazar l uuduus ni haragdahiim baina ldee.
    2 saya dollariin zardal gargasan gejiin ene compani ter ni awilgal gedegtei bugd l sanal niileh baih. barilgiin suuria ch taviagui baijiij hediidee 2 saya dollaroor yu hiichihdiin? eswel ene sambaraa ter munguuruu hewluulsiim uu?

  3. bre said

    gazriin margaaniig orostoi holboson ni sedevtei avtsaldaagui ug company tarhi ugaalga hiih 1 helber ni bolotoi

  4. bar said

    zaisangiin amiig biznes uls toriin bulegleluud duusgaj bgaa.Zarim 1 ni shal uur um yariad Otgonbayariin hul blchihoj gazriin asuudliig orostoi holboj ogov.Gansuh orosiig dagagch, TV9 orosiig eserguutsegch bolson uu harin ch Orosiin olon angitiig hamgiin ih uzuuldeg udirdlaga ni hoino surguul tugssun humuus bdag

  5. bar said

    zaisangiin amiig biznes uls toriin bulegleluud duusgaj bgaa.Zarim 1 ni shulal uur um yariad Otgonbayariin hul blchihoj gazriin asuudliig orostoi holboj ogov.Gansuh orosiig dagagch, TV9 orosiig eserguutsegch bolson uu harin ch Orosiin olon angitiig hamgiin ih uzuuldeg udirdlaga ni hoino surguul tugssun humuus bdag

  6. ene ih uchirtai. end mongolchuud laagaa idne uu, luuvangaa idne uu orosuudad yamar hamaa bainaa. manai daichdiin hushuu, manai tank gej ted mongolchuudiig shantaajildag gej baigaa. tegeed zogsohgui tend uil ajillagaa erheleheer zuvshuurul avsan biznesiinhnees mungu, esvel tend barih barilgaasaa bidend ug gej elchingiinhen daramtaldag. tegeed ugend ni orohgui bolohoor mongoliin zasag barigchdiig harin ch neg hudulguj chaddag gej baigaa, yam ruu ni danalzaj, zuvshuurliig ni tsutsluulaad, hinan shalgagchdiig ni huugaar ni hudulguj baigaa ni ter. tegeheer tend soyol amraltiin ch gene uu, yu ch genev mongol hun erh edleh ni sonin bish elchingiin orosiin ugnees gardaggui hotiinhon iluu sonin snangdaad baigaa yum.
    orosuud yu gej baina geheer haa hamaagui medvedeveeree ailgaj baina gesen, unen ineedtei baigaa biz. emgenel ch gemeer yum uu. mongol tushmel gululzuud, orosuudiig uurluulj bolohgui geed l…. ene bol barimt.

  7. Барсболд бүх газрыг нь зарчихсан юм билээ. Зайсан толгой ч хэн нэгэн иргэн Дорж гуайн өмч гээд кадастрын зурагт буучихсан байгаа дөө.

Сэтгэгдэл бичих

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: