АЖИГЛАГЧ

Монголд, Монголын хэвлэл мэдээлэлд юу болж байна?

Монгол 999-ын нүүр царайнууд

Posted by Ажиглагч on 2010/06/05

Хэдэн жилийн өмнөөс гадаадаас ирсэн уул уурхайн компаниуд манай хэвлэл мэдээллээр юу хүссэнээ хийлгэж чадахаа харуулсан буюу ид харуулж байгаа бол одоо үндэсний компаниудын ээлж иржээ.

5-р сарын эхээр Монгол 999 (уруугаа харсан 666) нэртэй компаниудын компани байгуулагдав. Би бодохдоо Тавантолгой (мэдээж Энержи Ресурс, орон нутгийн “Тавантолгой” ХК, бас хэдэн луйварчдын сэмхэн гартаа оруулсан хэсгүүдийг хасаад) монголын ард түмний өмч учраас хүн бүрт 2,7 сая хуваасны нэг ногдоно, харин гадаадын болоод дотоодын компаниуд өрсөлдөөд хэн сайн нь зөвшөөрөл авч хөрөнгөө оруулж нүүрс ухаад бидний хувийг төлнө, хэрвээ ашиг гаргаж чадвал өөртөө үлдээх тухай төсөөлж явлаа.

Харин өчигдөр сүрдмээр нэртэй энэ компанийн захирал Тавантолгойг (эсвэл түүний лицензийг эзэмших компанийг) дөрөв хувааж “Эрдэнэс МЖЛ”, Монгол 999, ард түмэн гуравт эзэмшүүлж үлдсэнийг гадаадын хөрөнгийн бирж дээр зарах ёстой тухай  мэдэгдэв. Тэд ард түмний хажуугаар, дээр нь гарч байгаад “илүү тэгш эрхтэй”-гээр Тавантолгойг эзэмшихээр шийджээ. Харин нүүрс ухах ажлыг гадныхныг авчирч хийлгэнэ.  

Энэ мэт олон эргэлзээ байгаа ч ”Монгол 999” юу хийхээ сайн мэдэж юуны өмнө хэвлэл мэдээллийг бөөнөөр болон ширхгээр худалдан авснаар одоо хүмүүсийн толгойд “Үндэсний компаниудаа дэмжицгээе!” урианаас өөр юм бодогдохыг болиулав. Өдөр тутмын сонинуудаар тэдний төлбөртэй мэдээ, ярилцлагуудын хажуугаар хөндлөнгийн байр суурь цухалздаг бол телевизүүд зөвхөн тэдний дуугарснаар дуугарч байна.

Хамгийн том эргэлзээ бол Монгол 999-ын удирдлагууд. Төлөөлөн удирдах зөвлөлд хамгийн сүүлд гэхэд л Олон овоотын лицензийг бултуулж улмаар нэг банкийг дампуурахад хүргэсэн “Монгол газар”-ын Мянганбаярын нэрийг сонссон хүмүүс толгой сэгсэрч эхэлмэгц “Монгол газар”, Жаст групп компанийн хос мэдэгдэл гарган хэвлэл мэдээллээр, түүний дотор бүх телевизээр төлбөртэйгээр зэрэг цацуулж ЖАСТ-ын Батхүү, “Монгол газар”-ын Мянганбаярын захиалгатай ярилцлагуудаар сонинуудыг дүүргэж намжаав.

МҮОНТ-ын “Хариулахгүй ч байж болно” ярилцлагад Ц.Мянганбаяр оролцов. Ямар ч но-той оролцогч хариулаад л баймаар эелдэг асуултууд … Хүслээ, оролцлоо, хариуллаа.

Сонинууд “Зудад малаа алдсан малчдын банкнаас авсан зээлийг хүчингүй болгоно л гэнэ. Тэгвэл барьцаанд лицензээ тавиад алдаж байгаа “Монгол газар”-ын Ц.Мянганбаярын өрийг бас хэрэгсэхгүй болгох байсан юм биш үү. Малчид яагаад төрийн ивээлд багтаж Ц.Мянганбаяр яахаараа “Ганц худаг”-ийн камерт заларчих гээд байдаг юм бэ. Энэ бүгд арчаатай амьдарч яваагийн торгууль биш үү” гэхчлэн нулимс асгаруулах наад захын хэрэг болов.

“25-р суваг” телевизийн “Ам нээвэл…” нэртэй шинэ нэвтрүүлгээр “Цагаан шонхор холдинг” компанийн ерөнхий захирал Ч.Энхтайван ил гарч хүнд бэрх амьдралаа дурслаа.Гэхдээ хамгийн сонирхолтой нь шорон орон биш “Монгол 999” байгуулах санаагаа хэдэн жилийн өмнө бодож олсон тухайгаа уушиг нээсэн явдал юм. Бүх юм түүний санаснаар явж таарлаа. 

Монгол 999-ын дараачийн “брэнд” бол Төлөөлөн удирдах зөвлөлийн даргаар сонгогдсон “Ажнай” Д.Бат-Эрдэнэ юм. Тэрбээр ард түмэндээ хандахад нь хэвлэл мэдээлэл ямар нэгэн тайлбаргүйгээр индэр болж өгөв. Хэрвээ би эндүүрээгүй бол Тавантолгойг хэдийнэ ухаж байгаа Өмнөговь аймгийн орон нутгийн өмчит “Тавантолгой” ХК-ийн 49 хувийн ихэнхийг бөөн хэрүүлтэйгээр хамсан төдийгүй аймгийн удирдлагыг ерөнхийд нь “мэддэг”, 2008 онд УИХ-ын гишүүнээс буумагцаа аймгийн Засаг даргын зөвлөхөөр өөрийгөө томилуулж төрийн хүний дүрд хувираад “Тавантолгой” ХК-ийн ТУЗ-ын дарга болж байсан Бат-Эрдэнэ мөн байна.

P.S: Саяхан Монгол 999-ын ТУЗ-д ордог С.Одонтуяа нар ярихдаа, “зарим компани 50-60 охин компаниа оруулсныг мэдсэн, иймээс 5-р сарын 11-нээс өмнө байгуулагдсан компанийг бүртгэхгүй” гэжээ.  Хэдэн жилийн өмнөөс Монгол 999-ыг  сэдсэн “сайн эрс” аль хэдийнэ амжуулчихжээ. Удалгүй Хадгаламж зээлийн хоршоо шиг хачин юм болох биз.

Энэ олон захирлууд өөрсдийгөө Монгол 999-ын нүүр царай гэж бодож байгаа юм байх даа…

Тэд гэрчилгээгээ авчээ. Сүүлийн хэдэн өдөр монголын бүх сонин энэ талаар шуугиж байна. Төлбөртэйгээр.

3 Responses to “Монгол 999-ын нүүр царайнууд”

  1. tsolmon said

    ed nar odoo bas yu ve? byr ulaan tsam mungu gesen hymyys l bndag mgliin baidal neg heseg ni luivraar het bayjij goy gangan tansag hause mashin yzegdeed ynetei delgyyreer yilchlyygchidiin to olshiroo l neg heseg ni ulam yduuraal tog us ideh hoolgyi bolool buhimdsan neg ni niigemd eldev hereg tyveg tariad l dund davhragiinh ni shudargaar yvbal dooshoo luivarchidtai niilvel deeshee tevchihee bolivol gadagshaa yvtsgaaj bh shig uls orond dundaj davhragiinh ni diilenh baival ter niigem eryyl baidag… ene odoo ardchilsan shudraga baylgiig tegsh huviarlaj bga hereg mun yy byy meddee irgenshilee soliulchihmaar ch yumshig tegeheer nadtai adil olon gadaadad bga zaluus eh orondoo butsah sonirholgyi bolchihvol nuguu eh oron elgen sadangaa muu buural saaral mongoliig min hen uudnu tatah ve gej neg bodohiin esregeer ene niigemd ochood tertee tergyi avilgal ar talaar yridag bolson yum chin mani met ni duugaa hyrgeh ni bitgii hel dyrsee yzyylj chadahgyi neg l medehed ene nuguu stresstei buhmidaltai niigemd tolgoi byr samuurchih ch yum shig ai daa mgl-iin medeenyyd ch hereg algaa ali ni ynen hudal ni ch medegdeh yum alga

  2. Witness said

    Халаасандаа (Тавантолгойг олборлоход хүрэлцэхүйц) зоосгүй байж зүгээр л баяжих санаатай луйварчдын л цуглуулга байна.

  3. baingiin unshigch said

    Эдгээр “сайн эрс” – хэхэ.

Сэтгэгдэл бичих

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: