АЖИГЛАГЧ

Монголд, Монголын хэвлэл мэдээлэлд юу болж байна?

Ц.Элбэгдорж: Телевизийн суваг байна, авбал аваарай…

Posted by Бид on 2010/04/19

Хэд хоногийн өмнөх “Өнөөдөр” сонины дугаар эргүүлтэл Амлалт нэхэх ард түмний холбооны тэргүүн Г.Уянгын “Ардчилсан намд би үнэхээр гоё байж чаддаг байсан” гарчигтай ярилцлагын доторх нэг өгүүлбэр нүдэнд туслаа.  

– 2004 оны сонгуулийн дараахан Цогсүрэнгийн Ганболд ах утасдаад, Уянгаа чи томилгоо сонсов уу гэлээ. Үгүй гэсэн чинь Монгол телевизийн даргаар Куландаг томилсон байна гэсэн. Өө тийм үү гэсэн чинь, тэгсэн байна даа цаадуул чинь. Ингэдэг юм даа гэлээ. Тэгээд удалгүй Сайханбилэг утасдсан. Тэр үед Засгийн газрын хэвлэлийн албаны дарга байсан ш дээ. Ерөнхий сайд уулзья гэж байна гэсэн. Тэгээд очиж уулзсан. “Томилгоо сонссон биз дээ” гээд л шууд оронгуут асуулаа. Сонслоо гэсэн чинь тэгээд одоо яая гэж бодож байна гэсэн. Би ямар албан тушаал авна гэсэн биш мэддэг чаддагаа хийнэ дээ л гэлээ. Тэгсэн чинь яамаар байна бодож байгаад эргээд хэлээрэй гэсэн. Телевизийн суваг байна, авбал аваарай гэсэн…

Ерөнхий сайд Ц.Элбэгдорж ажлаа телевизийн сувгийг сонгуулийн бялуу юмуу төрийн өндөр албан тушаалд очсоны хувь, хишиг маягаар түгээхээс эхэлж байжээ. Гэхдээ иргэн бүрт биш! Яахав Г.Уянга суваг аваагүй юм байна. Тэгвэл дараачийн 1-2 жилд “ардчиллыг дэмждэг” хэсэг телевиз мэндэлсэн нь C1  (2005 онд нэвтрүүлгээ эхэлсэн, ард нь УИХ-ын гишүүн Х.Баттулга, З.Энхболд нар байдаг), NTV (2006, УИХ-ын дэд дарга Г.Батхүү), SBN (2006, УИХ-ын гишүүн асан С.Болдхэт), TM (2006, Үнэт цаасны компанийн захирал Б.Түмэнжаргал) байсан юм. Тэр үед ямар нэгэн тендер, сонгон шалгаруулалт явуулсан уу? Мэдээж үгүй.

Зөвхөн Ц.Элбэгдоржийг мултарсны дараа 2007 онд анх удаа  дуудлага худалдаа зарлагдаж алтны “Гацуурт” компанийн эзэн Л.Чинбат 800 гаруй сая төгрөгөөр суваг авч “Монгол” нэртэй телевиз байгуулсан билээ. Харин дараачийн буюу “Соёмбо”, BTV, “Эх орон” телевизүүдийн сувгийг дахиад л сэмхэн олгосон байна.

4 Responses to “Ц.Элбэгдорж: Телевизийн суваг байна, авбал аваарай…”

  1. jsjhshaju said

    Тийм бий, ТВ 8, БТВ, Шууд, ETV-г тэгвэл хэн байгуулсан юм бэ, тэрийг хэлээд өхийм биш биз.

  2. Bat said

    Болдхэт

  3. bi l bn said

    eronhiilogchiig muulah oor zuil oldohgui l yum bhdaa chaavaas, ta nar yadahdaa l tuun shig tsaas harahgui yarij chadahgui l usan teneg yumnuud bhgui yu. Suuld gargasan zarligiig mash sain gej bodoj bga, nogoon zulegjilt haa saigui heregtei bga, odoo hamgiin gol asuudal bol 5 shard bairlaad bga, hyatadiin niigemlegiig zailuulah heregtei, yamar heregtei gej ter ulsiin niigemleg gej nerleed bairlaad bga zuil yu hiij bgaa ni medegdehgui, yamar hor nairuulj bgaag ni medehgui bj , manai ulsad bga ad bga yum be? mongoliin heden saihan zaluuchuud ochood nuraah heregtei ter barilgiig…

    • kakadu said

      Тэр монголын сайхан залуус чинь хятадуудын байрыг нураадаггүй, харин өөрсдийнхөө нэг хэсгийн байрыг шатаадагшдээ

Сэтгэгдэл бичих

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: