АЖИГЛАГЧ

Монголд, Монголын хэвлэл мэдээлэлд юу болж байна?

Том гомдол

Posted by Бид on 2010/03/23

Ойрдоо МҮОНТ-ийнхэн нийслэлийн захын гэр хороололд болон хөдөө аймагт тус телевизийн гаралтын чанар муудсан талаар үе үе гомдоллох болжээ. Олон нийтийн телевизийн нэвтрүүлгийн чанараас гадна айлуудад хүрдэг дүрс, дуу нь бас тааруу байгаа ажээ. Дамжуулах байгууллагын нөхдөд хэлээд засуулах ёстой асуудал мөнөөс мөн. Гэхдээ үүнийг зөвхөн шалтаг болгож томоос том гомдол мэдүүлэх нь тэр.

Бямба гаригийн “Цагийн хүрд”-ээр “МҮОНТ-ыг 40 гаруй жил цацаж байсан 4-р сувгаас техникийн шинэчлэл нэрээр 2-р суваг суваг руу шилжүүлснээс нийслэлийн захын хороололд нэвтрүүлгийн гаралт муудлаа” гэсэн эхлэлтэй сурвалжлага 2005 онд Монголын үндэсний телевизийг олон нийтийн болгохдоо дамжуулах байгууламжийг салгасанд харамсаад УИХ-ын гишүүн Ц.Нямдорж нэгэн хуралдаан дээр “2004 оны сонгуулийн дараа МАХН, АН-ын дарга нар гар хөлөө барилцаад олон нийтийн болгохоор шийдсэн. Яамд руу явуулж санал аваагүй, нэг л өдөр Засгийн газрын хуралдаан дээр танилцуулаад их хуралд оруулсан. Ийм шоу л болсон” гэж хэлсэн бичлэгээр үргэлжлүүлэв. Залгаад тухайн үед Монголын радио, телевизийн захирлаар ажиллаж байсан, одоо “Үндэсний шуудан” сонины ерөнхий эрхлэгч төдийгүй МҮОНРТ-ийн Үндэсний зөвлөлийн гишүүн Б.Ганболд ярьж, “ …тэр үед ерөнхийлөгч хориг тавьж рекламгүй болгосон… Байнгын хорооны хуралдаа н дээр З.Энхболд гишүүн дамжуулах байгууламжийг олон улсын жишгээр салгах ёстой гэдэг үүднээс хандсан. Харин УИХ-ын гишүүн Раднаа, мэддэг хүнээс нь асууя гээд телевизээс салах дуртай байсан инженерээс асуугаад шийдсэн…. Архивыг нь хүртэл Улсын төв архивт өгсөн. Хуучин энэ байгууллагыг удирдаж байсан Алтай орилоод, бас л Монгол телевизийн захирал байсан Энхбат, Монгол телевизэд ажиллаж байсан Сарангэрэл, Монгол телевизэд ажиллаж байсан Балхжав нар нийлээд Алтай удирдаад энэ телевизийг устгах ёстой, мөнгийг нь бид авах ёстой гээд ийм зорилгоор хийсэн …” гэсний дараа хөтлөгч “Олон нийтийн эрх ашгийн төлөө энэхүү сурвалжлагыг бэлтгэлээ” хэмээгээд төгсгөв.

Олон нийтийн эрх ашиг бол зөвхөн МҮОНТ-ийг биш, монголын бусад бүх телевизийг тэгш эрхтэйгээр хөдөө, хотгүй чанар сайтай үзүүлэх явдал юм. Иймээс дамжуулах сүлжээ нэгнийх нь мэдэлд бус, тусдаа, тэр тусмаа төрийн мэдэлд байх нь зөв. Олон нийтийн телевизэд байр сав, боловсон хүчнийг бүрэн шилжүүлсэн ба төсөв мөнгө, хөрөнгө оруулалтыг огт таслаагүй. Төлбөртэй нэвтрүүлгээр маш их мөнгө хийдэг хэвээрээ. Нэвтрүүлгүүд нь олигтой сайжраагүй хэрнээ орон нутагт дангаараа шууд цацагддаг монополь эрхээрээ хамгийн их үзэгддэг телевиз хэвээрээ явсаар өнөөг хүрчээ. Хэзээ нэгэн цагт энэ бүхэн дуусна. Дахиад 10 телевизийг орон нутагт дамжуулахад бэлэн болж МҮОНТ тэдгээрийн зөвхөн нэг нь болох өдөр тун удахгүй. Үүнийг гэнэт ухаарахдаа барьц алдаж, дамжуулах станцыг мэдэлдээ байлгаж бусдад зөвшөөрдөг байснаа санагалзсан сурвалжлага байна.

Алтай, Энхбат, Сарангэрэл, Балхжав нарын тухайд гэвэл МҮОНТ-ээр “хүмүүжсэн” хүмүүс шүү дээ. Харин Б.Ганболд өрсөлдөгч телевизүүдийн захирлуудыг ямар нэгэн шалтгаанаар “зоригтой” цоллож өглөө.

One Response to “Том гомдол”

  1. Болд said

    МҮОНТВ, олон нийтээс мөнгө сааж авчихаад, олон нийтийг олон нийтэд мэдээллээ хүргэх гэхээр олон тоотой мөнгө нэхээд байдаг олон нийтийн бус, онцгой нэгэнд үйлчлэхээр зориулагдсан ТВ болчихсон. Одоо энэ ТВ-ийн статусын асуудлыг дахин сөхөж ярих цаг нь болсон байх.

Сэтгэгдэл бичих

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: