АЖИГЛАГЧ

Монголд, Монголын хэвлэл мэдээлэлд юу болж байна?

Олон нийтийн телевизийн гамшгийн өдөр

Posted by Бид on 2009/07/18

Долдугаар сарын 16-17-ны шөнө Говь-Алтай аймагт хүчтэй үер бууж 18 хүн амь насаа алдсан бол 17-ны 15-16 цагийн үед Улаанбаатарт хотод бууж лав 5 хүн үрэгдлээ. Олон айлын гэр орон, барилга байгууламж урсч сүйджээ.

Гамшиг тохиолдоод байхад (иймээс Ерөнхийлөгч Эрдэнэтээс, Ерөнхий сайд Японоос эмгэнэл илэрхийлсэн) манай телевизүүд ердийн нэг хурал семинарын хэмжээнд анзаарчээ. Ихэндээ бороо орж байгаа дүрс бүхий мэдээ уншаад Онцгой байдлынхан болон хотын удирдлагууд хуралдаж суугааг баахан үзүүлэв. Говь-Алтайг орхъё гэхэд нийслэлд үер буусан тухай дүрстэй мэдээнүүдээр хязгаарлав. Аль ч телевиз гамшгийн дараах үйл явдлын шууд сурвалжлага хийсэнгүй. (Зөвхөн баяр ёслолыг шууд дамжуулдаг гэж хэн хэлсэн бэ?)  Тэгээд бүгдээрээ юу ч болоогүй мэт оройн хөтөлбөрөө үргэлжлүүлсээр.  Ийгл, бас  TV9 арай илүү байж нурсан хананд даруулсан машин, усанд автсан хонгил зэрэг сурвалжилсан ч тайчигчийн тухай америкийн уран сайхны киног үзүүлж оройг барлаа.

Ганц найдвар – МҮОНТ ямар байсан бэ? 

Үер хэдэн цагийн өмнө буучихаад байхад 18 цагаас товчхон мэдээ, 20 цаг хүртэл уран сайхны киногоо үзүүллээ. Хэтэрхий эрт буусан үерийн “аз дутсан” бололтой.

20.00. “Цагийн хүрд” мэдээллийн хөтөлбөр

– Говь-Алтай аймаг хүчтэй аадар борооноос болж 18 хүн нас барсан тухай мэдээлээд аймгийн Засаг даргатай утсаар ярив. (Болж л байна).

– Улаанбаатарт хүчтэй бороо орсон тухай дурдаад араас нь Онцгой байдлын ажилтантай хийсэн ярилцлага үзүүлснээ ”18 цагт дахиад мэдээ авах гэсэн боловч “дуудлага ихтэй гээд мэдээлэл өгсөнгүй” гэж гомдоллов. (Үйл явдал болсон газруудаар өөрсдөө явж сурвалжлахын оронд албан тушаалтны ам сахих юм даа. Сүүлдээ цаадуул нь залхсан биз)

– Улсын онцгой байдлын комиссын хуралдаан Төрийн ордонд болов гэсэн сурвалжлага. ОБЕГ-ын дарга Амгаланбаатар МҮОНТ-ийн хүссэн ярилцлагыг өгч “Иргэд үерийн усны замд буусан байсан, үүнийгээ онцгой анхаарах хэрэгтэй” гэж ухуулж гарлаа. (Хожимджээ) Тэгснээ хэл нь хальтирч “амь насаасаа хохироод байх нь тийм ч оновчтой зүйл биш” гэсэн хачин юм хэлэв. (Гамшиг тохиолдоод байхад Онцгой байдлын дарга өөрийн биеэр аварч сэргээх ажлыг удирдах, харин олон нийтийн сэтгүүлч цаг алдалгүй очиж сурвалжлахын оронд хоёулаа нийлээд Төрийн ордонд ингэж дэмийрч суух ч гэж дээ)

– Хоёрхон цаг орсон бороо нийслэлийн үерийн усны байгууламжийг шалгалаа. Орос ах нар 400000 хүнтэй хотын усны  байгууламжийг барьж өгсөн ч сая хүнтэй хотод байгууламж алга. (Өдөр болгон хоосон давтдаг сүржин яриа)

Цаашаагаа зөвхөн албан ёсны, дарга дагасан, хурал тойрсон сурвалжлагууд үргэлжиллээ. Дурдвал: С.Баярын Япон улсад хийж байгаа айлчлал… “С.Баярын айлчлалын талаар дэлхийн томоохон хэвлэлүүд ч мэдээлж байна. Японы NHK айлчлалын талаар ч мэдээлж байна” (бас нэг дэмийрэл) гэсэн эхлэлтэй тайлбар… УИХ-ын чуулганы хуралдаанаар нөхөн сонгуулийг товлож, Ерөнхийлөгч асан Н.Энхбаярын хангамжийг шийдвэрлэв… Атрын 3 дахь аяны хүрээнд ХХААХҮЯ-наас бага оврын тракторуудыг орон нутгийн удирдлагуудад гардуулав… Төмөр замын засвар, шинэчлэл эхэлж галт тэрэгний хуваарьт өөрчлөлт оров…. Өмнөговь аймгийн Шивээхүрэнгийн боомтын өргөтгөл ашиглалтанд оров… Мэргэжлийн хяналтын дэд даргын зөвлөлийн хуралдаанаар барилгын чанарын асуудлыг хэлэлцлээ…. УИХ-аас голын сав, ойн бүсэд ашигт малтмалын үйл ажиллагааг хориглох хуулийн талаар хэвлэлийн хурал… Голуудын хөдөлгөөний хэвлэлийн хурлын сурвалжлага… Сингапурын хөгжлийн тухай сурвалжлага… Сингапурын түүхийн тухай дахиад нэг сурвалжлага…. Дэлхийн мэдээ. Спортын мэдээ. Ойрын 5 хоногийн цаг агаарын мэдээ…

21.00. Соно студи: “Маамуу нааш ир”

21.15. “ММ- Тoday” English news

21.25. “Хэцүү ангийн өдрийн тэмдэглэл”

21.40. “Баярын мишээл” /давталт/

23.00. Үдшийн мэдээ

Өнөөдөр болсон дотоод үйл явдлыг  товч дурдаад гадаад мэдээнд шилжиж, хүнийг хумсаар нь таньж эмчилдэг хумс заслын клиник Хятадад нээгдсэн тухай мэдээг гадаадын телевизээс цаг алдалгүй авч орчуулан үзүүлэв.  

23.10. “Гэрэлтэй цонх” хөтөлбөр

… “Таван хором” булан. 1. “Америкийн шүтээн” шоуны хөтлөгч хамгийн их орлоготойгоор тодорсон, 2. Их Британийн дуучин од хүүхэдтэй болох гэж байгаа тухай баяртай мэдээ. 3. Муурууд дуугаараа эзэндээ янз бүрийн мессеж өгдөг гэсэн нийт гурван мэдээ … “Үдшийн шуудан”-гийн зочноор ЦЕГ-ын Санхүү, эдийн засгийн хэлтсийн дарга оролцлж Цагдаагийн баярыг хэрхэн тэмдэглэх тухай ярьж, бас өөрийн шүлгээс уншив… Америкийн цөлийн үзэсгэлэнт газруудыг харуулж тайлбарласан танин мэдэхүйн урт нэвтрүүлэг… Маргаашийн өрнийн зурхай…

МҮОНТ энэ өдөр олон хүний амь үрэгдсэн үерийн гамшиг тохиолдоогүй юм шиг цэнгэн хөгжилдсөөр 24 цаг гэхэд эфирээ хааж гүн нойрондоо дугжирч байлаа.

P.S:

Маргааш буюу 18-нд гамшгийн байдал, уршгийг сурвалжлахын оронд гамшгийн асуудлаар болсон хурлуудын дүрсийг үзүүлж албан мэдээ уншихаас хэтэрсэнгүй. 

P.P.S:

19-нд мөн адил. Ялгаа гэвэл МҮОНТ-ийн сэтгүүлчид нийслэлд болсон гамшгийн газарт очсон байна! Гэхдээ зөвхөн нийслэлийн Засаг дарга Г.Мөнхбаярыг дагаж.

Говь-Алтай руу сурвалжлагч илгээсэн бол эхний мэдээгээ ирүүлэх хугацаа өнгөрлөө…

12 Responses to “Олон нийтийн телевизийн гамшгийн өдөр”

  1. Болд said

    Говь-Алтай яваад сурвалжлаад ирэх цаг ч хангалттай байсан байх л даа. Харин тийм хүсэл, ашиг сонирхол байхгүй байлаа. Ерөнхийлөгчийн сонгуулиар бол Элбэгдорж ямар гаралтай тухай бүтэн нэвтрүүлгийг бэлдэхэд цаг зав гаргадаг шиг. Эсвэл тэр эрэн сурвалжлах сэтгүүлч Ариунааг, хөдөө гадаа явж сурснаар нь Говь-Алтай явуулах хэрэгтэй.

  2. Buhimdagch said

    Hyatadyn gar hol bolson Naranbaatar aa!Chamd Mongol humuus horin hedeeree ami uregdchiheed baigaa ni yu ch bish baina uu??? Chi ter Hyatadruugaa zailaach.

  3. Uzegch said

    N.Enhbayaryn buuny nohoi Naranbaataryg zailuulya aa !2008-VII-1- neer taraa taniulsan munhag tolgoi baigaa yum

  4. Govi-Altain uuguul said

    Tseel sumyn zasag darga, INH-yn toloologchid bugd nen darui ogtsortsgoo.

  5. Shudarga yosyg deedlegch said

    Enhbayart yuun harsh barij ogoh,4 jiliin hangamj ve??? Tuunii avchirch devshuulsen M.Enhboldyn 8 jil hotyn zahiragch hiisen, Eronhii said, shadar saidyn alba hashsan ueiin buh lai lanchig urgeljilseer baina shuu dee!Mongolchuud, UB-chuud aa,bidnii tsoohon Mongolchuudaas dahiad 24 hun, ter tusmaa huuhduud tsag busaar amia aldchihaad baina shuu dee!Heterhii gun noirnoosoo sereech ee. Neg serehed chini tusgaar togtnoloo aldchihsan baih magadlaltai bolood baina shuu dee!!!Enhbayar,Enhbold,Batbayar,Biligt, Bolormaa naryg shuuhed ogch,zasgiin gazar,Niisleliin zasag zahirgaag ter chigeer ni Monhbayartai ogtsruulj oorchloh heregtei!

  6. tv said

    bi chamtai sanal neg bn shuu Erdenee.Ugluunii nevtruulgiig ter neg Oyunchimeg gedeg chavgantsaar hutluuldegee bolimooroo.Chamd tegj sanagdahgui bn uu, aan? Olon niitiin tv-d denduu mangar mangar hun olon bainaa, yanaa.Dargantsar setguulchid ni mungu ulaan nud tsagaan bolchihson humuus bdag gene lee.Yaval tulburtei yum hiih uu geed l end tendgui mungunii ajil haigaad l yavdag gesen.Terniihee orond tsag ueiin yumnuudiig tsag burt ni uzegchdedee hurgeesei bilee dee.

  7. Erdene said

    Olon niitiin tv-n tuhai sain yum ogt sonsogdohoo bolijee dee.Uneheer ch uzeh yum bagatai tv bolood bga l da.Darga ni soligdood ch nemergui.Olon niitiin tsag gedeg neg shuud nevtruuleg ni l ovoo olon niit ruugee handsan nevtruuleg ch daanch gardag tsag ni denduu shog.Udur shuu, gert suugaa emee uvuu nar l uzdeg bh.Oor ch uzeed bh nevtruuleg bgui.Oorchlolt hiih tsag ni boloogui yum bh da? Huuchin turshlagatai setguulchid ni l ene tv-g avch yavj bn, ternees bish zaluuchuud ni hunees asuultaa ch asuuj chadahgui, arai ch dee gemeer yariatai.

  8. Kakadu said

    Ерөнхийлөгч Элбэгдоржоос асуу.

  9. AmonRa said

    хэлэх үг алга…

    Бүх юманд коммунистүүд, оросууд, хятадууд, солонгосууд, японууд л буруутай.
    Монголын ардчилсан иргэн бол энхийн цагаан тагтаа.

    • Saihan said

      Oortei chini sanal neg baina.Buruugaa busdaas haihaar oorsdoosoo haiya.Tatvaraa ogolgui Naranbaataryg hezee ogtsorno ter tsagt TV-iin tatvaraa toltsgooie l doo.Bid oorsdoo l daapaaluulahaa zovshoorood baitsgaana shuu dee.

  10. Japanaas said

    Манай энд зурагтын таван сувагтай, монголын ерөнхий сайд айлчилж байгаа тухай нэг ч мэдээ нэг ч сувгаар үзсэнгүй, харин сонин дээр гарсан жижигхээн мэдээг эс тооцвол мэдээлсэн зүйл бараг алга, өөрөө яахоо.жапан.ньюс рүү орж хайж байж ганц хоёр мэдээ олж авч байна!

  11. mongol said

    ene n yaduus ovoohoitoigoo ursaad tsoorch l baig gej baigam bailgui dee.nadad ch bas tegj ajilglagdsan, shavart unasan sharyn ezed gegcheer ontsgoinhon l zuderch yavaa baih.getel hamgiin turuund ih tengeriin amny uereer buuj irsen chuluunuudyg hamgiin turuund tseverlesen baisan…UB iin zarim zamuud deevriin har tsaas shig l urssan baina lee(yalanguya suuld tavisan zamuud)…

Сэтгэгдэл бичих

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: