АЖИГЛАГЧ

Монголд, Монголын хэвлэл мэдээлэлд юу болж байна?

TV9 өөрөөсөө ичиж TV5 ичихээ ч болив

Posted by Ажиглагч on 2009/05/27

Өчигдөр Монгол Улсын Ерөнхийлөгчийн сонгуулийн сурталчилгаанд хийсэн мониторингийн дүнгээ Хэвлэлийн хүрээлэн (өдөр тутмын болон долоо, арав хоногийн сонинууд) ба “Глоб Интернэйшнл” ТББ (улс орон даяар цацагддаг телевиз, радиогийн5-р сарын  18-22-ны таван өдрийн хөтөлбөр) хамтран хэвлэлийн хурал хийж танилцуулжээ. Үүнийг сонинууд яаж мэдээлснийг бүү мэд, харин миний үзсэн телевизүүд өөрсдөө хэрхэн танилцуулав? Хамгийн сонирхолтой нь TV9 байлаа.

ТВ-9 телевизийн “Энэ өдөр” мэдээллийн хөтөлбөр.

Хэвлэлийн хурлын тухай сурвалжлагадаа зөвхөн сонинуудын тэнцвэртэй байдалд учир зүггүй санаа тавьж Хэвлэлийн хүрээлэнгийн мониторингийн дүнгээс баахан уншсанаа телевизүүдийн мониторингыг шууд алгасч зөвхөн МҮОНТ-ээр явуулсан халз ярилцлагыг хэдэн хувь үзсэн тухай дурьдаад өөрийгөө тас нууж дуусгав. Өөрөөсөө ичсэн байх.  Мониторингийн мэдээнд тус телевизэд “Нийт цагийн 71,2%-ийг эзэлж байгаа Н.Энхбаярын мэдээллийн 93,2% нь эерэг байна. Харин Ц.Элбэгдоржийн мэдээлэл нийт цагийн 28,8%-ийг эзэлж, үүний 76,9% нь сөрөг мэдээлэл байна” гээд дурайж байлаа.

TV5 телевизийн “Цаг” мэдээлийн хөтөлбөр

Дээрх хэвлэлийн хурлыг мэдээлэхдээ “нэр дэвшигчдийн сурталчилгаа эрчимтэй явагдаж байсан сүүлийн 5 хоногт дүн шинжилгээ хийхэд үндэсний хэмжээнд эфирээ цацдаг манай телевиз онц гэсэн үнэлгээ авсан байна. Хэт нэг талыг барьсан мэдээ нэвтрүүлэг гаргалгүй, тэнцвэртэй байдлаар хандсан нь ийм дүгнэлтэд хүрэхэд нөлөөлжээ” гээд сийхгүй залав. “Глоб”-ийн мэдээг үзэхэд ямар ч дүн алга. Өөртөө дүн тавиад зогсохгүй UBS, 25-р суваг телевиз тэнцвэр муутай байсныг нотолсон тоонууд уншиж тэрүүхэндээ нүглийг нь илчлээд амжив.  Хэлээгүй л болохоос биш муу дүн тавьжээ. Гэхдээ TV5 өөрөө Монгол Улсын Ерөнхийлөгчийн сонгуулийн хууль, СЕХ-ноос баталж өөрсдөө гарын үсгээ зурсан хуваарийг хэрхэн эрээ цээргүй зөрчсөнийг би урьд нь бичиж байсан. Зөвхөн сүүлчийн 5 хоногт 130 минутийн сурталчилгааны нэвтрүүлэг явуулах хуваарьтай атлаа 475 минутийг явуулж бараг 4 дахин хэтрүүлжээ. Тэнцвэрийн тухайд гэвэл 2 намд хоёуланд нь зэрэг худалдагдсаных.

“25-р суваг” телевизийн “25 цаг” мэдээллийн хөтөлбөр

Мониторингийн дүнг танилцуулахдаа тус нэвтрүүлгийг нэр дэвшигчдийн сонгуулийн штабаас захиалсан эсэх, нэгэнт тэгш боломж олгосоор атал тухайн цагт нь нэвтрүүлгээ болон ярилцлагаа өгөхгүй өөрсдийн сонголтоо хийсэн зэрэг нарийн учрыг нь төдийлөн тодруулаагүй болохоор зарим талаар бүрэн хэмжээний тэнцвэрт байдлын судалгаа гэж хэлэхэд боломжгүй харагдаж байгаа юм…” гэлээ. Зүүдээ ярих гээд хулгайгаа ярьчихлаа. Нэр дэвшигчдийн сонгуулийн штабаас захиалаагүй буюу хууль зөрчсөн нэвтрүүлэг явуулдаг, өрсөлдөгч талууд заримдаа нэвтрүүлгээ өгдөггүй байхад л  хоёр талын сурталчилгааны хэмжээг хэд дахин хэтрүүлснээ хүлээн зөвшөөрөв.

“Нарийн учир” гэж телевизүүд хууль зөрчихдөө сонгуулийн штабуудтай хэрхэн хуйвалдсаныг хэлсэн юм болов уу? Түүнийгээ жагсаагаад ил болгомоор юм даа.

3 Responses to “TV9 өөрөөсөө ичиж TV5 ичихээ ч болив”

  1. setguulch said

    Tv-5-iinhan 50-60-han myangan tugrigiin tsalingaar yaj amidardag bnaa. Sarangerel, Dagiimaa 2 l bayajaad duusch bga yum bishuu.Yalanguya Sarangerel darga ni. Nuhur ni boovnii tseh ajilluuldag yadruuhan amidraltai l bsan sh de.Odoo tegsen chin end tend ochij tom tom yum yarisan l avgai boljee.Biilegjuu zagnah gej ih oroldonoo bas, Shaamiisam banzal avgai.Sarangerel chin harin chimeegui tsaraichihaad yamar banzal gej sanana. Yostoi jinhene alban tushaaltai humuustei yavaldana shuu de.Neriig ni jalsaaval jagsaahad belen l bn.Gehdee ene udaa jaahan enerengui zagnaya da.Dagiimaa, chi ajiltnuudaa daramtaldagaa bolioch.

  2. Dulam said

    TV9,TV5,25TV,UBS-iin udirdlaguud tetgevertee garval taarna.Tedgeeriin zahirluud Tsogt hun taijaas, ehneruud ni “Uer” kinony Molomyn ehnerees ulger jishee avbal yasan yum be?!Ur huuhed, ach guch chini yaj amitny nuur harna daa gehees omnoos chini yas havtaih yum.

  3. Suren said

    Heleed yah ve! Tand bayarlalaa.
    Ashgui surtalchilgaa duusch ter baliar, bohir, ogiudas hurgem yumnaas salj amarlaa shuu.

    Suuliin 2 odor ch Elbegdorjiin esreg MAHN-y nevtruulguud hun yosnoos gaduur bolson .Herev Elbegdorj hyatad yum bol Enhbayar, MAHN bolon AN-ynhnaas shaardahad: M.Enhbold, Badamjunai,Nyamdorj,Bayartsogt,Zorig,Otgonbayar geed Mongol gazar unaj, Mongolyn usaar ugaaj,Mongolchuudyn mongoor dotood, gadaadad deed bolovsrol ezemshchiheed harid elegtei,hariinhand uilchildeg , hari garaltai toriin alband shurgalsan tagnuul, urvagchdaas Mongolyn toriig tseverlej og!!!

Сэтгэгдэл бичих

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: