АЖИГЛАГЧ

Монголд, Монголын хэвлэл мэдээлэлд юу болж байна?

“2009 он”-ы цаана хэн нуугдав?

Posted by Mongol on 2009/03/25

Сүүлийн үед хэвлэл мэдээллээр Сэлэнгэ аймгийн Мандал, Баянговь сумын хөгжил цэцэглэлтийг ихэд магтан дуулах боллоо. Өөр хаана ч байхгүй барилга, байшин, эмнэлэг, оношлогооны аппарат, сум орныг хөгжүүлэх сан тэнд байдаг аж. Энэ бүхнээ бахдан ярих хоёр сумын Засаг дарга нар удалгүй од болохнээ…Бороогийн орд газрын 40 тонн алтыг тавхан жилийн дотор ховх сорсон мөртлөө Монголд олигтой татвар төлөөгүй гэж “Бороо гоулд” компани гадаадынхантай ямар гэрээ байгуулж болохгүйн жишээгээр тодрон амны уншлага болж байгаа ч дараачийн ордыг авч ухахын тулд монголчуудыг найрах пиарыг хүчтэй хийж байгаа нь тэр. “Бороо гоулд” компаниас өгсөн хандив тусламжийг бараг л тоосго тоосгоор нь тоочин сурталчилсаар.

Гэхдээ өдөр тутмын сонинууд “Бороо гоулд”-ийн нэрийг бахархалтайгаар бичиж байгаа бол телевизүүд нуусхийдэг. Тэд “Бороо гоулд”-аас мөнгө авч пиардаж байгаа нь илэрчих гээд хэцүү байгаа бололтой. Ялангуяа МҮОНТ нуух гэж ядах юм.

3-р сарын 25-ны орой МҮОНТ-ээр “Хөгжлийн тулах цэг”-ээр “Уурхайчны нэг өдөр” нэвтрүүлэг гарлаа. Сэлэнгэ аймгийн Баянгол сумаас бэлтгэжээ. “Энэ удаад янз бүрээр хэлэгддэг Бороо гоулдын уурхайн тухай биш, уурхайчин Батболдын тухай өгүүлье” гэж тун зальжин эхэлсэн ч тэр чигээрээ “нам, засагтаа баярлалаа” гэдэг шиг “Бороо гоулд”-д баярлалаа” гэсэн яриагаар дүүрсэн байв. Эцэст нь “… Уул уурхай гэдэг бол хэдхэн хүний асуудал биш … Сэлэнгэ аймгийн Баянгол сумын нутагт орших Бороогийнг алтны уурхайг ашиглаж эхэлснээс хойш …. орон нутгийн иргэдийн хэрхэн сайнаар нөлөөлснийг дурдахгүй байхын аргагүй” гэж дүгнэлээ. Гэхдээ ийм зөв зүйтэй дүгнэлт хийсэн уран бүтээлчид нэрээ бахархалтайгаар тавихын оронд “2009 он” гэсэн тооны ард нуугдаж нэвтрүүлгээ төгсгөжээ.

“Бороо гуолд” компани Мандал, Баянговь хоёр сумыг нэлээд өөд татсан нь үнэн, гэхдээ бүх үнэний зөвхөн нэг хэсэг. Оюутолгойн хөрөнгө оруулалтын гэрээг УИХ-аар хэлэлцэж, араас нь Тавантолгойн болон бусад гэрээнүүд оочирлож байгаа энэ үед МҮОНТ уул уурхайн асуудлаар янз бүрийн үзэл бодлыг уралдуулж хэлэлцүүлэн нийгэмд ойлголцол бий болгохыг хичээхийн оронд зөвхөн компаниудыг магтаж суух юм.

Энэхүү “Хөгжлийн тулах цэг” бол Даваа гариг болгон гардаг захиалгат нэвтрүүлэг. Өмнөх нэг дугаараар Оюутолгой, Тавантолгойн орд газрыг ашиглахыг түргэтгэхийг ухуулахдаа “Бид Хятадын эрчим хүчний сүлжээнд холбогдочихвол салгана гэсэн ойлголт байхгүй. Хятадуудаар хөрөнгө оруулаад тэднээс бариулчихвал хөрөнгө оруулалтаа нөхөхийн тулд биднээс эрчим хүч авсаар байх болно” гэсэн марзан юм ярьж сонсогдсон. Ийм гүн гүнзгий санааг илэрхийлсэн уран бүтээлчдийн нэр мэдээж “2009 он”

Ноднин 10-р сараас хойш “Эрс шинэчлэл” ба “Миний монголын газар шороо” хөдөлгөөнүүд уул уурхайн асуудлаар нэвтрүүлэг хийж оролцох хүсэлтээ МҮОНТ-ын удирдлагад тавиад чадахгүй байна гэж гомдол мэдүүлж байсан. Тэд хэн нэгэнд таалагдахгүй юм их ярьдаг байх, гэхдээ бүх үнэний бас өөр хэсгийг илэрхийлж байгаа бус уу?

5 Responses to ““2009 он”-ы цаана хэн нуугдав?”

  1. Chimeg said

    Boroo Gouldynhantai niilj Mongolyg, mongolchuudyg maani tsolmoson Su. Batboldod:
    Zuu naslah zayagui baij
    Zuvchuulah,olzlohod shunaj
    Myangan jil edelj barahgui
    Ed erdenes huraahyg tseerle
    gesen Ezen Chingisiinhee ene surgaaliig ilgeeie.

  2. Dandar said

    P.Ochirbat,M.Enhsaihan,Baabar,Ochirsuh,Bayartsaihan, Suhbaataryn (Janjny maani nertei baidag ni ch yuv dee)Batbold,N.Enhbayar,M.Enhbold, Ch.Ulaan, Nyamdorj,Idevhten geed MAHN, AN-yn Mongol oron, mongolchuudyn erh ashgaas urvasan huuliig batlaltssan buh humuusiig hariutslagad tatatsgaaya.Mongolchuud aa!Chingis haan maani:
    Ochuuhen amia hicheegchiig
    Oodloh uild tushvees
    Omortol idej baraad
    Uruudah buruudahad hotlomui(Ts.Natsagdorj”Chingis haany surgaaliin tovchoon”)gej surgaj baijee.Ih haanaasaa suraltsatsgaaval bid eh oron, elgen sadnaa avrah ni ee.D

  3. Dulam said

    Jamtsynh deer nemehed mongol dur torhtei!,zus tsarai saitai,buren buten shudtei,bie byaldryn huvid ov tegsh humuusiig avahyg chuhalchlan zahiya.Nadtai sanal niileh olon myangan uzegchid baidag yum bilee.

  4. Jamts said

    Oyundari zahiral aa, MUONTV-iin zahiral bolsond tani bayar hurgeie! “2009 on” nertei setguulchiig bidend ilchilj ogno uu.Tanai TV-d mongo toldgiinhoo huvid eh oronch!, mergejliin, chadvarlag,torolh mongol!!!angli, oros,german, yapon,frants gm helnii ondor!medlegtei (hyatad helniih ni oldchihson yum bilee! Harin tsooruuleh shaardlagatai)setguulchdeer bagaa burduulne uu.Tegvel tany ajil sanasan hemjeend tani yavagdana shuu. Es tegvees onoogiin Mongolyn neg dur torh bolchihood baigaa alivaa udirdlaga hichneen soligdson ch uragsh ahij devshsen yumgui bairandaa l baih bolno.

  5. SUREN said

    UIH-yn gishuuded:
    Chingis haan aildruun:
    …Horgolyn chinee olznoos
    Horstiin chineeg alduuzai
    * * *
    Uulyn todui
    Alt huraaj
    Sahin zovsnoos
    Amu todui
    Erdem surch
    Hereglebel deer bui za
    (Chingis haany zarlig.Ts.Natsagdorj”Chingis haany surgaaliin tovchoon”-oos )

Сэтгэгдэл бичих

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: