АЖИГЛАГЧ

Монголд, Монголын хэвлэл мэдээлэлд юу болж байна?

Бид нэг хүнийг шоронд мартсан юм шиг байна …

Posted by Ажиглагч on 2009/03/10

“Иргэдийн шударга шүүх” ТББ-ын тэргүүн Х.Бат-Ялалт дөрвөн сарын ял аваад шоронд сууж байгаа. 2-р сарын 18-нд Ганцхудагт болсон шүүх хурал дээр түүний эсрэг 5 үндэслэлээр ял тулгасны 4 нь нурж, харин тав дахь буюу жилийн өмнө Х.Бат-Ялалтын хийлгэсэн хэвлэлийн хурлаас “Өдрийн сонины” сурвалжлагч Б.Цэцэгдэлгэр мэдээ бичихдээ хоёр дүүргийн нэрийг сольж бичсэнийг нотлох баримтад авч 4 сарын хорих ял оноосон юм. Тэр үед Бат-Ялалт сэтгүүлч охидыг буруу зөрүү бичихвий хэмээн сэргийлж хэвлэлийн мэдээ бэлтгэж тараасан ч Цэцэгдэлгэр алдаа гаргачихжээ. Тэгсэн мөртлөө Бат-Ялалт тэгэж ярьсныг л би бичсэн гэж зүтгээд ядахдаа ноорог, тэмдэглэлийн дэвтэр гээд юу ч үзүүлээгүй ажээ.

Х.Бат-Ялалт “би зөв ярьсан, харин сэтгүүлч алдаа гаргасан бол түүнтэй хариуцлага тооц” гээд Цэцэгдэлгэртэй барьцаж болох байсан ч тэгээгүй бөгөөд эр хүн шиг байж цаашаа ачигдсан гэж ойлголоо. Түүний өмгөөлөгч Самбуугийн Сүрэнжав ч гэсэн сэтгүүлчийг буруутгаад яахав дээ гээд ярьж суусан.

Харин Б.Цэцэгдэлгэр дээрх шүүх хуралд гэрч болж мэдүүлэг өгсөндөө туйлаас гомдсон сурвалжлага бичиж “Сурвалжлагч хэвлэлийн бага хурлын мэдээ бичсэнийхээ төлөө гэрч болов” хэмээн гарчиглажээ. Уг нь мэдээ бичсэний төлөө биш, харин буруу бичсэнийхээ төлөө гэрчээр дуудагдсан баймаар. (Бусад сонин хэвлэлийн сурвалжлагчид зөв бичсэн учраас гэрч болоогүй). Цэцэгдэлгэр сурвалжлагаа “Ийнхүү сэтгүүлч хүний нэр төр, алдар хүндийг гутаасан гэх шүүх хуралд гэрч болж мэдүүлэг өглөө. Бусад оронд үүнийг хуулиар хориглож, сэтгүүлчийн хэвлэн нийтлэх эрхийг нь хангасан юм байдаг юм билээ” хэмээн дэвэн дэлхийтэй барьцаж төгсгөсөн байна.

“Өдрийн сонины” сэтгүүлч Б.Цэцэгдэлгэр бас л алдаа хийчихжээ. Сэтгүүл зүйн ном сурах бичиг, гарын авлагад зөв бичээд байхад л ингэж буруу ойлгоод байх юм даа.

Түүнийг сурвалжлагаа хэвлэлд шилжүүлэх мөчид шүүхийн шийдвэр хараахан гараагүй байсан ч тэр оройдоо Бат-Ялалт 4 сарын ял авсныг Цэцэгдэлгэр маргааш, нөгөөдөр, нөгөөдрийн цаад өдөр гээд лав 3-р сар гартал сониндоо мэдээлээгүй юм. Дахиад буруу бичээд ялыг нэмүүлэхээс айсан гэж найдья. Харин Бат-Ялалтыг суллагдаад гарч ирэхээр очиж уулзаад уучлал гуйгаасай даа. Гэхдээ битгий бичээрэй. Бас алдчихвал буцаагаад суулгачихаж мэднэ…

6 Responses to “Бид нэг хүнийг шоронд мартсан юм шиг байна …”

  1. zaya said

    temdeglelee uzuuleegui gedeg chine oilgomjtoi bnshd.ajlaa hiisenshig hiihgui bol mergejil negtni nerig gutaahaa bolioch.zuv unshij bichij chadahgui bol gertee huuhdee haraad suu tengee

  2. Anonymous said

    ä

  3. javkhlan said

    hariutslaga haana ch baih shaardlagatai. yalanguya bichsen niitelseneer ni humuus oilgodog bolohoor hariutslaga buur iluu heregtei.

  4. Alt said

    Өдрийн сонин нь АН-ын сонин болохоор сэтгүүлчтэй нь маргалдвал нэг талынхан хоорондоо маргалдаж хэрэлдсэн болж онигоонд орох гээд байсан болохоор л тэр Бат-Ялалт нь барьцаагүй гэж ойлголоо. 😀

  5. Ono said

    Setguulchdiig beltgedeg surguuliud surgaltyn chanartaa ers shinechlel hiihgui bol oor heden ch gemgui Bat-Yalaltyg mongolyn shuuh dalimduulan horihyg bid taashgui ni.

    Sarangerel guai ta mongolyn TV-ded ajillaj baigaa setguulchdiin mergejliin ur chadvart anhaarna uu.Hedii boltol ayalguut saihan mongol heliig maani gutaagaad uzegch bidniig doromjlood suutsgaah yum bol oo???

  6. usukh said

    Xa xa xa, Mongol iim l yumnii naad tsaadiig oilgodoggui setguulchintsereer dyyrsen sh dee. Xun xorlosnoo oilgoogui l yavaa baix daa zailuul! Tserenjav ax yamar xorjoontoi bichee ve, xa xa xe xe.

Сэтгэгдэл бичих

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: