АЖИГЛАГЧ

Монголд, Монголын хэвлэл мэдээлэлд юу болж байна?

Монгол Pearl

Posted by Mongol on 2009/02/08

pearl-setguul-200812-cover-small Монгол үг дууссан бололтой Pearl гэж англи нэр зүүж, бас Department magazine хэмээн  тодотгосон тус сэтгүүлийн 2008 оны 12-р сард гарсан анхны дугаарыг онцлох хоёр шалтгаан надад байна. Нэгдүгээрт үнэ. Бусдаас дутахгүй “гоё” энэ сэтгүүлийн үнэ ердөө 1500 төгрөг. (Өнөөдрийн ханшаар бол яг 1 доллар! Төгрөг унаад байвал дараачийн дугаараа энэ үнээр зарвал бүр хямдарна гэсэн үг). Хоёрдугаарт, зарим нийтлэлүүд чухал мэдээлэл, тайлбарыг агуулжээ.

Анхны дугаарын хойморт уригдсан Зам тээвэр, барилга, хот байгуулалтын сайдтай хийсэн ярилцлагыг “Х.Баттулга: Би баян хүн биш…” гарчигласан байна. (Жирийн уншигч бид ядуууу… болж таарахнээ?) Түүний хөрөнгө оруулсан компаниудын жагсаалт тун сонин агаад “Женко холдинг” ХХК, “Баянгол зочид буудал” ХК, “Махимпекс” ХХК, “Талх чихэр” ХХК, “Коника Минолта” ХХК, Hartford Institute, ” Женко тур бюро” ХК, ХИД ХК, “Налайх” ХК, “МИК Эмээлт” ХХК, “Эмээлт зах” ХХК-аас гадна C1 телевиз, “Ардчилал” сонин, “Монголын мэдээ” сониныг багтаажээ. (Одоо зөвхөн С.Баярмөнх, Р.Хадбаатар хоёр хэвлэлийн магнатаар дуудуулахгүй болов) Мөн эндээс АТГ-ын 2008 оны хөрөнгө орлогын мэдүүлгийг ашигласан гаргасан “2008 оны Монголын хамгийн баян хүн хэн бэ? жагсаалтыг уншиж болно.

Эрхлэгч нь сэтгүүлээ “Канад-Монголын бизнес хөгжлийн сангийн албан ёсны түнш” гэсний учрыг би сайн ойлгосонгүй. Бас “Авлигатай тэмцэх газар, Тагнуулын ерөнхий газартай дугаар болгон дээрээ хамтран ажиллах болсондоо баяртай байна” гэсэн нь сонин санагдав. Үзэхүл, АТГ-аас “Шударга ёсны шагнал” гардуулсан ёслолын арга хэмжээнээс хийсэн фото сурвалжлагын дор “Ерөнхий зохион байгуулагч АТГ” гэж бичээд сэтгүүлийнхээ логог тавьж хамтарч зохион байгуулсан мэт ойлголт төрүүлэхийг оролджээ. ТЕГ-ын тухайд гэвэл “Богдын тагнуулч Л.Дашдэндэв Ардын засгийн үед ч тагнуул хийж Богдод нууц мэдээлэл өгдөг байжээ” гэсэн түүхэн өгүүллийг материалыг архиваас нь авснаа хэлэв үү? 1990 оны үйл явдлын тухай “Улс төрийн хуйвалдаан” өгүүллийг бэлтгэхэд манай тагнуулчид тусалсан шинж алга.

Харин “Маркетингийн тулаан” өгүүлэлд монголын үүрэн телефоны дөрвөн компанийн хэрэглэгчдийн өрсөлдөөнийг “Мобикомын хамгаалалт”, “Скайтелын давшилт”, “Юнителын жигүүрийн довтолгоо”, “ G-Mobile-ийн мөлжүүртэй яс”, “Скайтелийн стратегийн алдаа”, “Монополь компанийн нуралт”, “Юнителийн алдаа” гэсэн дэд гарчигтайгаар тун сонирхолтой тайлбарлажээ. Надад таалагдлаа.

Бусад материалуудын гарчиг: “Тэрбумтнуудыг хүлээлгэдэг брэндүүд”, “Хос зүрх бие биедээ тэмүүлж амьдралын сайн сайхныг мэдэрнэ” (УДЭТ-ын жүжигчин Г.Отгонцэцэгтэй хийсэн ярилцлага), “2009 оны шинэ жилийн гоёлын даашинзны загвар”, “Ажил хэрэгч залуус ямар бүсгүйд таалагддаг вэ?”, “Хүүхдийг өлгийдвөл өсөлт нь зогсдог”, “Дэлхийд зартай 10 том луйвар” гэх мэт. Завсраар нь брэнд хувцасны сурталчилгааны хуудсууд зөндөө багтжээ. Иймээс Department magazine юм болов уу?

Сэтгүүлийг эрхлэн гаргагч нь “Алтайн халиун” групп. Редакцийн бүрэлдэхүүнийг том сэтгүүлийн жишгээр Editorial Director Ts.Gerelbaatar, Head of Editor N.Delgertsetseg, Editor-in-Chief A.Enkhtuvshin гэхчлэн жагсаажээ. Их л нарийн зааг ялгаатай албан тушаалууд болж таарлаа.

Сэтгүүл сар тутам 10000 хувь хэвлэгдэнэ гэжээ. Харамсалтай нь 2009 оны 1-р сарын дугаар үзэгдэхгүй байна. Эхний дугаарыг маш сайн бэлтгэж гаргаад сураг алдардаг ээлжит сэтгүүл биш байгаасай.

9 Responses to “Монгол Pearl”

  1. Gerlee zail said

    Gerel baatar chini zevuun gar geseen. mungunii araas nudee uhaad ogchihoj chadahgui ch hunii nudiig tsoo hatguulah gej nziigaa sogtuu yavuulj bsan. nariin bichguudee erguulj orondoo oruulaad avgaitaigaa gadaa hotiin tovd zodoldood yoo unen butehgui gar.olon hunii amidralaar togloson har bizness uhaanas uur yu ch ugui, tegeed bas hed heden huuramch diplomtoi. yoo terniig tiim surguulid sursan ni ch bur hudlaa. tegeed songuulaas songuuliin hoorond ali gaigui alban tushaaltan ruu hachig shig naaldchihna. Yamar saindaa l HIP HOPiinhond nuurluugee arhi tsatsuulj shogluulj baihav. olon hun budaa boltloo amidralaaraa togluulsan daa. ternii bayajih gej yu bdgiin. setguulch Deegiigiin l huch sh dee. Tegeed hujaa nariig hulhidaj hevlehgui yu. esvel mongold negen hevlegch zaluug atgandaa oruulsan teruugeer hedhen odriin dotor hiichihne.Ternees yamar dusal hols unah bish.

  2. Aagii said

    Tasarhai Setguul

  3. Aagii said

    Goe setgvvl shdee

  4. Aagii said

    Sak setgvvl

  5. Hatnaa said

    Nadad ter Marketingiin tulaan uneheer taalagdsan sain bichsan bn lee amjilt shoo

  6. tulgaa said

    snu? pearl taalagdsan shvv

  7. Энэ Алтайн Халиун ч овоо баяжиж байгаа юм байна даа. Анх майхан зардаг, хаяг реклам хийдэг л газар байсан даа. Говь-Алтайнхан байдаг юм.

  8. Надтай аминдаа юм байна гэж бодоод байгаа шд эрхлэгч нь. Эсвэл эзэн нь

  9. javkhlan said

    setguul gargah gedeg amargui ajil baih. tegeed sard neg gardag bol manaihan hiij chadahgui baih. sard neg garah setguuliin toloo heden setguulch, zuraach tend ajilah yum, tsalin her baih uu geed olon asuudal baidag baih.

Сэтгэгдэл бичих

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: