АЖИГЛАГЧ

Монголд, Монголын хэвлэл мэдээлэлд юу болж байна?

МҮОНТ-ийн Үндэсний зөвлөлийн ирж яваа гишүүд

Posted by Ажиглагч on 2009/01/13

Шинэ он гарахаас хэдхэн цагийн өмнө УИХ-ын чуулганы нэгдсэн хуралдаанаар амжин батлагдсан МҮОНТ-ийн Үндэсний зөвлөлийн шинэ 6 гишүүний талаар хэдэн үг.
Ц.Гомбосүрэн – Гадаад хэргийн сайд асан. Голдуу ахмад дипломатч, нэрт орчуулагчаар нь дууддаг. Өнөөдөр манай нийгэмд байгаа хамгийн эерэг имижтэй хүмүүсийн нэг. “Гомбосүрэн гуай шиг …” гэж байгаад сайны жишээнд татахыг би олонтаа сонссон. Сүүлийн үед “Дэлхийн өсөлт” хэмээх Хойт Америкийн уул уурхайн компанийн лобби байгууллагад монгол талаасаа №1 хүн болсон. Бас нэг хэсэг “Энержи ресурс”-ийн төлөөлөн удирдах зөвлөлийн дарга байсан нь хэвээрээ бол том бизнесийн төлөөлөл гэж ойлгогдож болох юм. Засгийн газраас нэр дэвшүүлэн оруулжээ.
Ч.Дамбажав – Дашчойлин хийдийн хамба лам – Бурханч лам Пүрэвбатын оронд бас л лам хувцастай хүн суух ёстой гэж Монгол Улсын Ерөнхийлөгч шийджээ.
Ц.Зоригтбаатар – Монголын Залуучуудын Холбооны ерөнхийлөгч. Манай бүх залуучуудыг төлөөлдөг мэт хулхи нэртэй энэ байгууллагын эзэд нь УИХ-ын гишүүн, Сангийн сайд С.Баярцогт, УИХ-ын гишүүн, АН-ын бүлгийн дарга Ц.Сайханбилэг нар юм. Тэд 1990 оны дундуур төрийн эрх барилцаж байхдаа МЗХ-ыг байшинтай нь хувьчилж аваад мануулж үлдээсэн Ц.Зоригтбаатартаа шинэ даалгавар өгсөн хэрэг. Мэдээж УИХ-аасаа дэвшүүлсэн. Байнгын хорооны хурал дээр Ц.Батбаяр гишүүн түүний үйлдсэн нэг нүглийг (залуу гэр бүлийн орон сууцны хэрэг) сануулж байлаа.
Б.Ганболд – “Зууны шуудан” сонины үүсгэн байгуулагч бөгөөд ерөнхий эрхлэгч. 2000-2005 онуудад Монголын радио, телевизийн хэрэг эрхлэх газрын даргаар ажиллахдаа Н.Энхбаярын дэглэмийн найдвартай гар хөл байлгаж, дараа нь мөн түүний хулгайлсан “Засгийн газрын мэдээ” сониныг “Зууны мэдээ” нэрээр манаж өгснийхөө шангаар өдөр тутмын сонин байгуулжээ. Нэр дэвших, дэвшүүлэх талаар бодох ч эрхгүй баймаар. Харин түүний найз, УИХ-ын гишүүн, Төрийн байгуулалтын байнгын хорооны дарга Ц.Энхтүвшин бодоод зогсохгүй өөрийн биеэр дэвшүүлж нэгдсэн хуралдаанд танилцуулж батлуулав.
С.Цэрэндорж – Монголын өмгөөлөгчдийн холбооны дэд ерөнхийлөгч. Хүний эрхийн үндэсний комиссын дарга асан. “Цэвэр” хуулийн хүн дээ. [Би түүнийг Ерөнхийлөгчийн хуулийн бодлогын зөвлөх, ХЗДХЯ-ны төрийн нарийн бичгийн дарга Б.Цэрэндоржтой андуурсан байсан тул засварлав – Д.Ц.]. УИХ-аас нэр дэвшүүлжээ.
Д.Гантөмөр – Аялал жуулчлалын тогтвортой хөгжлийн төвийн тэргүүн. Иргэний нийгмийн ийм нэгэн шинэ “од” УИХ-ын байнгын хорооны хуралдаан дээр гэнэт тодорсон юм. Нэгдсэн хуралдаан дээр ч торолгүй гарсан. Ямар ид шидтэй нөхөр вэ? Зарим хүмүүсийн яриагаар, Засгийн газрын тэргүүн шадар сайд, АН-ын дарга Н.Алтанхуягын хамаатан гэнэ. Засгийн газраас нэр дэвшүүлсний учир энэ байж.

Ингээд МҮОНРТ-ын Үндэсний зөвлөлд олон нийтийн гэхээсээ илүү төрийн томчуудын төлөөллүүд нэмж орлоо. Бас бүгдээрээ эрэгтэй.

Харин Ц.Дашдондовын дахин эзлэхэд тун ойрхон байсан долоодох суудал одоогоор хоосон байгаа…

6 Responses to “МҮОНТ-ийн Үндэсний зөвлөлийн ирж яваа гишүүд”

  1. Ono said

    Hereg alga aa.Emegteichuudees yaagaad oruulsangui ve? Gaigui huuhnuudiin ner yavj baisan yumsan.Mongold tednii ihenhees ni iluu ner hundtei hun baihgui met avirlatsgaah yum.Ur huuhduudeesee ichdeg boloosoi.Ner tor ni shalbaagt hutgaldchihsan baij l suudlyn toloo uhen hatan yavtsgaah yum.Zaluuchuud,huuhduuded humuujliin muu noloo uzuulj baina shuu dee.

  2. survaljlagch said

    Ta neeree manai tv-iin talaar olon saihan shyymj bichih yumaa. Bi bas neg yum tanaas guih gesen yum. Olon niitiin tv-iin olon darga nariin dund haagdaj havchigdaj ajilladag survaljlagch bidnii hiisen nevtryyleg medee survaljlaga helelzyylegees yadaj 7 honogt neg udaa saishaah yum baival,esvel muulah yum bval bichij uram zorig uhaan sanaag mini sergeej ogooch!!! Gehdee harvaas darga nariin zahialgiin yumiig bitgii durdaad baigaarai. Ted nerees chin bid hyrtel zalhdag yum!!!

  3. Иргэн said

    Болиоч ээ

  4. Болд said

    Тэд өнөөдөр Олон нийтийн телевиз дээр ирчихсэн байна. Хурлаа хийсэн байна. Гомбосүрэн гуай дарга нь болог.

  5. Anonymous said

    Зоригтбаатар өр ширээ жаал цэгцэлсэн байх, тэгээд одоо жаал идэвхжих санаатай, хэ хэ. За тэгээд тэртээ тэргүй засрахгүй телевизэд хэн ч очсон яахав дээ.

  6. Anonymous said

    Дашдондов тавьтаргүй балай. Тэгж тавьтаргүйтсэн нь ч болсын

Сэтгэгдэл бичих

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: