АЖИГЛАГЧ

Монголд, Монголын хэвлэл мэдээлэлд юу болж байна?

Түвшинбаяр… Бадар-Ууган … Гүндэгмаа… Сэрдамба … “Дүнжингарав”

Posted by Mongol on 2008/08/26

1981 онд Ж.Гүррагчаа сансарт ниссэнээс хойш Монгол даяар бүх нийтээрээ ингэж чин сэтгэлээсээ баярлаж хөөрсөн удаа үгүй байх аа.

Монголын анхны олимпийн хоёр аварга болон мөнгөн медальтнууд задгай машин дээр зогсон Чингэсийн өргөн чөлөөгөөр хүндэтгэлийн цуваагаар явж  Төрийн ордонд саатан одон медалиа зүүгээд Сүхбаатарын талбай дээр гарч ирэнгүүтээ харагдахаа больчихов…

Аваргууд болон төрийн томчууд гарч зогссон ёслолын тавцанг эзэн Чингэсийн хөшөөнөөс уруудсан шатны ёроолд зассан тул хурсан олны хамгийн урд эгнээнд гарч чадаагүй бол үзэж чадахгүй байлаа. Зөвхөн улаан дээвэр нь цухайна. Бас иргэдээсээ цэрвэсэн мэт хэдэн арван метрийн цаана холдуулж тусгаарласан байх юм. Дээрээс нь хүн бүрийн гарт дэрвэх том жижиг туг далбаа, аав ах нарын хүзүүн дээр тухалсан хүүхдүүд  бүрмөсөн халхалж орхино. Цоройж ядсан хүмүүс Сүхбаатарын хөшөөний тавцан дээгүүр гарч зогсохыг хичээвч тэнд хичнээн хүн багтах билээ. Индэр дээрхийг хоёр талд босгосон томоос том дэлгэцэн дээр гаргаж байгаа ч хүмүүсийн толгой дээгүүр, тугнуудын завсраар хагас дутуу үзэгдэнэ. Ингээд Ерөнхийлөгч, Ерөнхий сайдын …  Түвшинбаяр… Бадар-Ууган … Гүндэгмаа… Сэрдамба … 120 сая төгрөг..  60 сая төгрөг … уухай … дуулдахаас хэтэрсэнгүй.

Мянга мянган хүмүүсийн дунд баярын уур амьсгалыг мэдэрч зогсох сайхан боловч би гэртээ харихаар шийдэв. Гэртээ сууж зурагтаар шууд дамжуулж байгааг үзэх нь хамаагүй дээр ажээ. Индэр дээр зогсох аваргууд болон төрийн өндөрлөгүүд, тэдний баяр гэрэлтсэн нүүр царай, үйл хөдлөл бүрийг дэлгэцэн дээр харж чадлаа. Гагцхүү 20 цаг өнгөрсөн хойно гэнэт нүргэлсэн ёслолын буудлагыг талбай дээрээс үзэж чадаагүйдээ бага зэрэг харамсав.

Яагаад ийм муухан палатка шиг жол индэр зассаныг бүү мэд. Төрийн хэмжээний ёслол байтал хоёр хажуугаар “Дүнжингарав” захын нэрийг томоор биччихэж. (Сүүлд зурагтаар харахнаа бас индрийн гурван талаар “Дүнжингарав” нэрийг дурайлгажээ). Үндэсний олимпийн хорооны албан ёсны түнш юм гэнэ. Төрийн ёслолд хувийн компани ямар хамаа байна аа? Ингээд аваргууд, томчууд бүгд “Дүнжингарав”-ыг сурталчилж өгөв. Нийслэлийн хамаг үнэтэй, тус бүрдээ сая сая доллартай тэнцэх хэдэн арван газар авч хөлжсөн, хамгийн сүүлд олон нийтийн эсэргүүцлийг үл хайхран М.Энхболд, Н.Болормаа нарын ивээлээр улаан цайм Туулын ундны усны бүсэд газар авч иргэдийн эсэргүүцлийг үл хайхран “Дүнжингарав” захыг босгоод дуусч байгаа “Мон-Уран” компани олимпийн аваргуудад сая доллар амлан шоудаж нэг ёсондоо менгее угааж өр цайруулсныг давхар ёслов уу гэлтэй.

Хэрвээ төрийн хүндэтгэлийн өргөөны шатан дээр юмуу нэлээн өндөрт индрээ зассан бол бид жанжин Сүхбаатарын талбайн хаанаас ч аваргуудаа харж зогсохсон. Ирсэн хүмүүс над шиг буцаад яваад байхгүйсэн. Үүнээс болж Түвшинбаярын алт авсан мэдээ түгсэн тэр үдшийнхээс хамаагүй цөөн хүн талбай дээр цугларсан байлаа. Харин согтуу хүмүүс индэр дээр ч, жирийн иргэдийн дунд ч харагдсангүй. Байгаль дэлхий бороо оруулж тайвшруулсан болоод ч тэр үү гудамжаар тугтай машинууд сагсуу залуучуудыг цонхоороо унжуулан давхилдах нь бага байлаа. Баярын “үймээн самуун” болсонгүй.

Энэ баярт үдэш Олимпийн алтан, мөнгөн медальтнуудыг тойрсон бусад олон үйл явдлыг телевизүүдийн ачаар гэртээ суугаад тав тух алдахгүй, олны хөлд түүртэхгүй үзэж чадлаа. Ялангуяа “Ийгл” телевизээр гаргасан Олимпийн аваргуудад зориулсан хүлээн авалтаас хийсэн сурвалжлагаар Мөнхбат аваргын яриа үнэхээр таалагдсан. Манай чөлөөтийнхөн Олимпод яагаад муу барилдсаныг толгойд ортол тайлбарласан шүү.

12 Responses to “Түвшинбаяр… Бадар-Ууган … Гүндэгмаа… Сэрдамба … “Дүнжингарав””

  1. altaa said

    oliympiin alt mongon medaltnuuddaa bayr hurgie Gundegmaa egcee ta mongoliin shildeg emegtei shu bi tanaar baharhaj bna tand bi ih naidaj bsan itgel aldaaguid bayrle\alaa

  2. teegi said

    hi. tanii blogoor uy yue orj harah yum. bi hewlel medeeleltei hyagt uyaldaatai reclamnii salbart http://www.reclam.mn gej site hiigeed ajilluulj ehleh gej bn. zugeer neg site, zugeer neg biznes bh bish niigmiin shinechleld tustai yum bolgochihson gej bodood bn. Tand heleh sanaa onoo bn uu?

  3. Anonymous said

    хэ хэ хэ худлаа яриад л

  4. Anonymous said

    9 сарын 6нд Олимпийн аваргууд хүмүүстэй нэг өдрийг өнгөрөөнө гэж байна лээ… очиж сайхан уулзаж танилцаж зургаа авхуулбал тэ…Тамирчиддааа амжилт хүсэе

  5. hi said

    Er ni ene gazriin naimaa delhiin hamgiin tom biznes bolood bga yum bish uu. Mongold l il tod bolosn ruugaa chichilj bga bhoos ene tomchuud bugd l gazriin naimaagaar huljuud deeshee gardag yum bish uu. Surag sonsohnee. Tegsen tegeegui uul uurhain gazraa hurtel zarad huljuud bayajij l bna sh de.

  6. hi said

    Ene tamirchdad iim ih mungu ugluu ch yalaa bailaa ch yalaa. Harin ch Naranhuu tsuvuulj ugch bga ni yag zuv onoson bna. Tegehgui bol buund ni ene ih munguu avsan bol dor ni ureed l duusna. Yun daraagiin olimp, daraagiin temtseen harin ch ter munguu avad beltgelee hiihgui usand hayasan chuluu shig alga bolchih blgui. Tsuvuulj ugsun ni deer yag bolj.

  7. Anonymous said

    .

  8. Anonymous said

    Түвшинбаярын найз хүүхэн нэрийг нь хугалж байгаа сурагтай.

  9. Anonymous said

    Түвшинбаярын найз хүүхэн нээрээ нэрийг нь хугалж байгаа сурагтай

  10. Anonymous said

    Сэрдамба хөөрхөн шүү Амжилт хүсэе

  11. Anonymous said

    olimpiin medaltnuud uragshaa, ta nar shuu

  12. Би said

    Яг

Сэтгэгдэл бичих

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: