АЖИГЛАГЧ

Монголд, Монголын хэвлэл мэдээлэлд юу болж байна?

Танхай хурандаа

Posted by Mongol on 2008/08/22

Наймдугаар сарын 21-22-нд шилжих шөнө манай телевизүүд олимподсоор байсан ч МҮОНТ яагаад ч юм шөнө дунд хүргэлгүй дуг  нойрондоо дугжирч эхэлсэн юм.  Харин “Ийгл” телевиз эсрэгээр, цагаа сунгаж 02.30 цаг хүртэл нэвтрүүлгээ үргэлжлүүлэв. Уг нь яг шөнө дунд Fox News рүү шилждэгсэн. Ямар онцгой үйл явдал тохиолдов? Энэ орой 7-р сарын 1-2-ны шөнө хүмүүсийг буудаж алсанд сэжиглэгдсэн цагдаагийн эргүүл хамгаалалтын ангийн дарга хурандаа Батсүхийг УЕПГ-ын Мөрдөн байцаах албанд байцаахаар дуудаж улмаар барьж хорихыг завдахад цагдаагийн албан хаагчид болон ар гэрийнхэн цугларч Мөрдөн байцаах алба руу бараг л дайран орсон бужигнааныг шуурхай сурвалжлан үзүүлсэн нь энэ.

Батсүх гэж дээд зэргийн танхай хурандааг сайн харж авлаа. Нийслэлийн ерөнхий хууль журам сахиулагч маань өөрөө хууль журмыг уландаа гишгэж өгч байна аа. Улс төрийн том том мэдэгдэл хийж АН руу дайрч давшлан улмаар онц байдал тогтоох зарлиг гаргасан Ерөнхийлөгчийг буруутгаад авч байна. Хамгийн ноцтой нь гэвэл өөрийнхөө захирдаг цагдаа нараар хэдэн өдрийн турш жагсаал цуглаан хийлгэж сүүлдээ шөнөөр цуглуулан өөрийгөө Ганц худаг руу ачуулахгүй байхыг оролджээ. Тэгсэн мөртлөө цагдаа нартаа “Тарцгаа” гэсэн тушаал өгөхгүй, харин ч “Манай цагдаа нар өөрсдөө энд цугларсан, би ир гээгүй” хэмээн даналзаж байсан. Тэгэхлээр Батсүх хурандаа цагдаа нараа ч захирч чаддаггүй, цаадуул нь прокурорын байрыг дүүргэж ажилтнууд руу нь давшилж байгаа юм чинь жирийн иргэнийг яадаг бол? Ялангуяа үймээний шөнө гудамжинд явж таарсан хүмүүсийг яасан бол? Заримыг буудчихсан байвал гайхах хэрэггүй байхнээ.

Сүүлийн өдрүүдийн цагдаа нарын зөвшөөрөлгүй хийсэн жагсаал, цуглаан бол ноцтой. Мөрдөн байцаах газарт болсон энэ шөнийн даварсан хэрэг явдлыг SBN  зэрэг телевиз сурвалжлагчдаа явуулж бичлэг хийлгэсэн боловч зөвхөн “Ийгл” телевиз шуурхай сурвалжлага бэлтгэн тэр шөнө үзүүллээ.

Зүгээр нэг Хууль зүй, дотоод хэргийн сайд  бус, Онц байдлын штабын дарга байсан Ц.Мөнх-Оргил сайд өөрийн биеэр ирсэн ч цагдаа нараа эгүүлэн татахын оронд тэдэнд юу ч хэлэлгүй буцаад явсан нь “үргэлжлүүл” гэсэн шиг ойлгогдсон. Үйл явдал маргааш үргэлжилж цагдаа нар хавь ойрыг бүслэн хаасан хэвээрээ байхад Цагдаагийн газрын дарга, Онц байдлыг шууд хэрэгжүүлэгч Амарболд генерал өөрөө нэмэгдэн Галдаа прокурортой хэлэлцээр шахуу юм хийж,  цаадах нь нотлох баримт хангалттай гэж хэдэнтээ мэдэгдсэн ч буулт хийснээр маш ноцтой хэрэгт сэжиглэгдсэн Батсүх хурандааг саатуулалгүй шалгахаар болжээ. Ийнхүү Ганц худагт өчиггүй хоригдсон хэдэн зуун залуучууд болон Магнай, Батзандан, бас хэд хоногийн өмнө баригдсан жирийн цагдаа нараас илүү тэгш эрхтэй бас нэг иргэн Монголд мэндэлж Бадар-Ууганы алтан медалийн тоглолтыг гэрээсээ үзэхнээ.

3 Responses to “Танхай хурандаа”

  1. Ганболд said

    Наймдугаар сарын 21-22-нд шилжих шөнө манай улсад үнэндээ цагдаагийн төрийн эргэлт болсон. Ерөнхийлөгч болон ерөнхий сайд зарлиг юмуу тушаалаа гаргасан бол түүнийг хэрэгжүүлэх хэн ч байгаагүй. Төрийн эргэлт хийсэн болон хийхээр санаархсан этгээдүүдийг яах ёстой бэ? Циркэд бол цус үзсэн барыг шууд л устгадаг юм байна лээ.

  2. sodoo said

    trerejav guai tanii bichsen zuiliin chini zarimiinh fond manigdahgui bna tsedensodnom-eagle

  3. Anonymous said

    Ajiglagch uneheer humuust uram zorig bas negiig bodoolj oilguulj chaddag sait yumaa. Zarimdaa hatuu ug haragdaj baidagch ololttoi taliig n bas harj chadah yumaa. ene sain shu. Bodvol buh l tv-iin ajilchid unshdag bailgui dee. Tserenjaw ahdaa amjilt husye.

Сэтгэгдэл бичих

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: