АЖИГЛАГЧ

Монголд, Монголын хэвлэл мэдээлэлд юу болж байна?

“Тасархай” сэтгүүл

Posted by Mongol on 2008/08/04

Өмнө нь би “Монголын №1 сэтгүүл”-ийг танилцуулсан бол энэ удаад өөрийгөө “тасархай” гэж үнэлсэн сэтгүүлийг хэлж өгье. Нэр нь “Үндэстний тойм”.

Томоор бичсэн ТОЙМ, улаан хүрээтэй хавтас нь бараг  л америкийн TIME адил харагдуулдаг тус сэтгүүлийн 2008 оны 5-р сарын дугаарын (№9) өмнөх үгэнд “Монголд сэтгүүлийн бум болж байна. Гэхдээ “Үндэстний тойм” энэ фронт дээр бусад монгол сэтгүүлээс хол давуу гэж өөрийгөө тоодог ч гэлээ цочрол авлаа” гэж маш даруухан эхэлснээ “ингээд уншвартай, өгөөжтэй материалаар сэтгүүлээ дүүргэж уншигчдаа татах арга барилаар зах зээл дээр тулалддаг редакцийнхан маань тасархай гэдгээ нотлон харуулах нь зүйтэй гэж үзсэн юм” гээд дан ярилцлагаас бүрдсэн дугаар бэлтгэхээр шийдсэнээ зарлажээ. Дугаараа нэг хүнээр дагнахаар шийдсэн нь Монгол Улсын Ерөнхий сайд, МАХН-ын дарга С.Баяр болж  “Өөрийн бодол өөртөө зөв, Өрөөл даавуу өмдөндөө зөв” нэртэй Баярын магтуугаар дүүргэсэн байна.

Санаандгүй тохиолдол болов уу гэтэл сарын дараа “тасархай” сэтгүүлийнхэн маань дахиад нэг цочихдоо дахин С.Баяр, тэгэхдээ түүнтэй хамт нэр дэвшсэн Сү.Батболд, М.Чимгээ гуравт зориулсан өөр нэг дугаар (№16) гаргаадхаж. Тайлбарлахдаа, “Монголчууд ардчилсан сонгууль явуулах болсоор хориод жилийн нүүр үзэж багагүй туршлагажиж хашир суужээ. Гэвч нэр дэвшигч бүртэй нарийн тодорхой танилцах боломж хомс байдаг. Иймээс манай редакци уншигч танд хэрэг болуужин хэмээн УИХ-ын 23-р тойрогт МАХН-аас нэр дэвшигчдийг танилцуулж байна” гэв. Хавтсан дээрээ “Бид хамтдаа зүтгэнэ. МАХН-аас нэр дэвшигчдийн бүтцийг харахад улс төр, эдийн засаг, нийгэм гэсэн төр улсын тулгын гурван чулуу санаанд бууж байгаа юм”  хэмээн дурайлгаж, дотор нь “Төрийн шагналт, Ардын уран зохиолч Б.Лхагвасүрэн: С.Баяр ард түмэн төр түшиж чадах хүнийг хүлээж ядаад цөхөрч байхад гарч ирсэн улс төрч“ гарчигтай ярилцлага,  “Өдрийн сонин”-ы Г.Мөнхбаясгалангийн ”Үгүйлэгдэж байсан орон зай”, Б.Цэнддоогийн “Төрийн залгамж” зэрэг өгүүлэл оржээ. (Найрагчийн тухайд гэвэл энэ сонгуулиар бараг бүх нэр дэвшигчийг бүх хэвлэлээр магтаж ярьсны нэг нь энд багтжээ)

Нэрт нийтлэлч Б.Баабар нарын “Непко” хэвлэлийн газраас 2006 оноос эрхлэн гаргаж байгаа тус сэтгүүлийн “Далай лам. Ойр мөртлөө алсын шүтээн” сэдэвтэй бөгөөд тус хэвлэлийн газрын бүтээл “Бодь мөрийн зэрэг” сударт зориулсан сонирхолтой дугаарыг санаж байна. Түүнээс хойш Таван толгой, бас Оюутолгойн тухай сурталчилгааны бололтой дугаарууд үзэгдсэн ба “Үндэсний компаниуд үндэстнээ тэтгэнэ” гэсэн дугаарыг шуудангийн хайрцагт үнэ төлбөргүй хийсэн байж билээ. “Энержи ресурс” санхүүжүүллээ гэж ойлгосон. Би өөр дугаар олж үзээгүй, яагаад гэвэл гадуур зарагдаагүй. Жишээлбэл, С.Баяр ба түүний нөхдөд зориулсан дээрх №9 ба №16-ын хоорондох дугаарууд бас үзэгдээгүй, магадгүй нэр дэвшигчид захиалгаар хэвлүүлж тойрогтоо тараасан биз.

Тэгэхлээр “Үндэстний тойм” үнэхээр “тасархай” юу, хэрвээ тийм бол юугаараа вэ? Гоё хүүхнүүдээр хавтасласан “Гялбаа”, дуу хөгжмийн “Metro Music”, барилгын “Тэнхлэг зууч”, хөл бөмбөгийн “Ура гоол”, хүүхдийн “Нар” сэтгүүлээс хол тасарснаа сайрхаагүй л байх. Бас “Монголын №1 сэтгүүл” гэж өөрийгөө өргөмжилсөн “Аптуан”-аас хэр зайтай яваа бол?

Уг нь “Үндэстний тойм”-ийг өөрийгөө ядахдаа нийгэм-улс төрийн буюу төстэй хэвлэлүүдтэй харьцуулбал зүгээрсэн. Жишээлбэл, сар тутмын   “Алтан гадас” сэтгүүл 2003 оноос хойш эрээвэр хураавар ч гэсэн 56 дахь дугаараа уншигчиддаа өргөн барьсан бол “Цаг төр, хүмүүс” долоо хоног тутам!! хэвлэгдэж улс төрөөс гадна нийгмийн амьдралыг маш өргөн хүрээнд тун сонирхолтойгоор дэлгэдэг болсон. Тэд олон талаараа “Үндэсний тойм”-оос хамаагүй давуу.

Харин “захиалгат сэтгүүл”-ийн хувьд “Үндэстний тойм” бусдаас тасарсан байж болох. Юуны өмнө, хэвлэлтийн тоо ширхгээрээ. Яагаад гэвэл, сонгуульд нэр дэвшигчид “Үндэстний тойм”-ыг сурталчилгааны тараах материал  болгож сонгосон бол өөрийгөө Баабар нараар магтуулж бичүүлсэн дугаараа тойргийнхоо айл өрхийн тоогоор, бусад цагт баян компаниуд нийслэлийн шуудангийн хайрцгийн тоогоор буюу хэдэн арван мянган хувиар хэвлүүлж цацсан байхыг үгүйсгэхгүй. Гэхдээ сэтгүүл зүйн хувьд энэ бол нэг их бахархах зүйл биш.

7 Responses to ““Тасархай” сэтгүүл”

  1. zoloo said

    harin tiimee niigem uls toriin setguuluudees tsag tur humuus setguul hamaagui iluu yum bilee engiin hernee chas hiisen niitleluudtei.ene dashramd tsag tur humuus setguuliin hamt olond ajiliin amjilt husie.

  2. baatar said

    Tsag tur humuus setguul uneheer dajgui setguul shig sanagdsan ih unshwartai yum bilee.bi neg zahialagch ne l daa
    tanii bichsen zuils taalagdaj bna

  3. Puj said

    Tsag tur ug ni anh garch bhdaa ih goy bsan tee?
    Odoo bol bas arai l bish boltson blee,ter 25 asuult buland ni hariulj bgaa humuusiin hariult,busad bulanguud ni hurtel anh garch bsnaasaa muudchijdee l gej sanagdaad bgaa…

    Tanii hiij bgaa zuils ih sonirholtoi sanagdlaa.

  4. гайхагч said

    Таны үзэг чинь хурц, үг чинь тод байх болтугай. Иймэрхүү сэтгүүлэнцэрүүдийг шүүмжлэх хэрэгтэй шүү.

  5. Jargal said

    Buh zuild yagaad dandaa buruugaar handdag um be? Negniigee hiij buteeh gej bhad yahaaraa davuu taliig ni olj harj neg negendee dem ogj ajillah heregtei shu de mongolians! Sul taliig ni bichelgui yahav gehdee ene bichleg chin ter chigtee busdiin hiisen ajiliig doosh ni hiisen ongo ayastai umaa.Ymar shinjuureer uuniig bicheed dugneed bgaa chin bas l ergelzeetei bna shde. Unendee neg setguulchuu hen be tanii l bodol biz de!

  6. Soyol said

    Танд баяр хүргэе! Монголын сэтгүүл зүйд байгаа алдаа оноог зоригтой бичиж, гаргаж байгаа танд талархъя! Их гоё бичлэгүүд байна. Манайд сэтгүүл зүйн ёс зүйн дүрэм гэж байна уу гэдгийг хайж googleе-дсэн чинь таны бичлэгүүд гарч ирлээ. Санай бичээрэй.

  7. Монгол said

    Үндэстний тойм сэтгүүл С.Оюун, Л.Болд нарын захиалсан дугаар гарсан байна. Лу.Болдынх манайд бгаа.

Сэтгэгдэл бичих

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: