АЖИГЛАГЧ

Монголд, Монголын хэвлэл мэдээлэлд юу болж байна?

“Өдрийн сонин” дээр гарсан “бослого”

Posted by Бид on 2008/07/04

Үндэсний аюулгүй байдлын зөвлөлөөс “Өдрийн сонин”-ы ерөнхий эрхлэгч Ж.Мягмарсүрэнд “…танай сонины 2008 оны долдугаар сарын 1,2-ны өдрийн дугааруудад болж буй үйл явдалд өрөөсгөл байр сууринаас өнгөц хандсан, тогтворгүй байдлыг дэвэргэхэд чиглэсэн мэдээ, мэдээлэл нийтлэгдэж байгаад харамсч байна.  Тиймээс та бүхнийг “Онц байдлын тухай” Монгол Улсын хууль, “Онц байдал тогтоох тухай” Монгол Улсын Ерөнхийлөгчийн зарлиг, холбогдох бусад хууль тогтоомжийг үйл ажиллагаандаа мөрдөн ажиллахыг анхааруулж байна. Хэрвээ хуулиар хүлээсэн үүрэгтээ хайхрамжгүй хандаж, эмх замбараагүй байдлыг дэвэргэсэн үйлдлээ үргэлжлүүлбэл хуулийн хүрээнд дараагийн арга хэмжээг авахыг мэдэгдье” гэсэн бичиг ирүүлжээ.

“Өдрийн сонин” ч аягыг нь хоосон буцаасангүй, уг мэдэгдэлд ҮАБЗ-ын нарийн бичгийн дарга М.Ганболд гарын үсэг зурсныг өлгөж аваад “М.Ганболд нь Монгол Улсын Ерөнхийлөгч Н.Энхбаярын багын найз нь билээ. Иймд Энэхүү мэдэгдлийг төрийн тэргүүний “Өдрийн сонин”-д хандаж байгаа хандлага гэж ойлгож болох бололтой” гэсэн тайлбар зүүгээд нийтэлчихэж.

Албан ёсны биш ч гэсэн АН-ын төв хэвлэл болсон “Өдрийн сонин” тэртээ тэргүй элдвийг бичих нь тодорхой. Гэхдээ хоёрхон хоногийн дараа онц байдал дуусахын хооронд нөгөө галдан шатаагч маягийн танхайчууд огт уншдаггүй өдөр тутмын сонинд яагаад мэдэгдэл хүргүүлэх болов?

Дурдсан хоёр дугаарыг  сөхөж үзлээ.  “Өдрийн сонин”-ы зарим дүгнэлт, жишээлбэл үймээн самууныг “бослого” гэж нэрлэсэнд хэргийн учир байгаа бололтой. Энэ үгийг үнэхээр бодлоготой хэрэглэсэн харагдана. Тухайлбал,

2008-07-01
“Ард түмэн ардчиллыг дэмжиж босч эхэллээ” (Сэтгүүлч Б.Долзодмаа)
2008-07-02
“Сонгох эрхээ боогдуулсан ард түмний тэмцэл эцэстээ бослого болж хувирлаа” (Сэтгүүлч Л.Мөнхбаясгалан)

Бас энэ дугаарт нийтлэгдсэн ”Д.Баярсайхан: Бид үүргээ л биелүүлсэн” гэсэн ярилцлагын оршилд “Өчигдөр болж өнгөрсөн эсэргүүцлийн жагсаал бодит байдал дээр юу болж өрнөснийг, цагдаа нар иргэд рүү хэрхэн буудаж, бороохойдож бас босогчид хэрхэн МАХН-ын байрыг галдаж байгааг… ” гэжээ.

Өөр нэг өгүүллийн гарчиг: “Гадаадын хэвлэлүүд эсэргүүцлийн бослогын тухай мэдээлж эхэллээ”. Гадаадын хэвлэлүүд үнэхээр бослого гэж нэрлэв үү? Эх сурвалжтай нь тулгаж үзвэл Оросын newsru.com сайт дээр “акция” гэж бичсэнийг “ӨС” мушгиж  “бослого” хэмээн орчуулжээ.

Тийм ээ, 2008 оны 7 дугаар сар 1-ны үйл явдал бол яавч бослого биш, анх улс төрийн цуглаан хэлбэрээр эхэлснээ  хяналтгүй болж сүүлдээ дээрэм тонуул, галдан шатаалт болж хувирсан үймээн самуун гэдэг нь гарцаагүй. Харин “Өдрийн сонин“ хүслээ илэрхийлээд ч юм уу дэмий юм бичээ л биз. Тэглээ гээд “дараагийн арга хэмжээ авна” гэж айлгаж байгаад болиулна гэвэл санасны гарз. “Өдрийн сонин”-ийхон өөр хүчтэй үг олоод л биччихнэ. Жишээлбэл, хувьсгал. Яахав, бүтээгүй хувьсгал гэнэ биз. Эсвэл зөөлрүүлж Монгол төрийн эсрэг биш, зөвхөн МАХН-ын эсрэг бослого байсан гэнэ. Тэр өдрийн дугаартаа “Коммунист намуудын мөхсөн түүх” нэртэй өгүүллийг анхааруулга мэт нийтэлсэн нь тохиолдол биш байх.

P.S: 2008.07.05.
Өнөөдөр онц байдлын дэглэмээр дээд зэргийн хариуцлагатай ажиллаж байсан МҮОНТ-ээр үзүүлсэн Батлан Хамгаалах Яамны “Дуулга” студийн нэвтрүүлгээр  хөтлөгч нь”2008 оны 7-р сарын 1-нд болсон эсэргүүцлийн бослогын үеэр…”  гэж хэлээд авч байх юм.  ҮАБЗ-ын нарийн бичгийн дарга Ганболд сэрдхийсэн байх даа.

4 Responses to ““Өдрийн сонин” дээр гарсан “бослого””

  1. Àðä÷èëàë ãýõ ýíý õýö¿¿ íèéãýìä “Õýâëýë ìýäýýëëèéí õýðýãñýë”-¿¿ä ãèíæèí õîëáîîãîîð íýãäýõ ¸ñòîé. Ãýòýë “ªíººäºð áîëîí Çóóíû ìýäýý” ñîíèí áàðàã ë ÕÓ íàìûíõ áîë “ªäðèéí ñîíèí” Àðä÷èëñàí íàìûí ñîíèí ãýöãýýíý. Ãýâ÷ ýíý ¿íýí!!! ªºð õîîðîíäîî òýðñýëäýõ àðñëàí ëóãàà àäèë áèå áèåñýý í¿äýí äýýð íü äîîø õèéæ àðä ò¿ìíèé ñýòãýëèéã òàâã¿éò¿¿ëýõ íü íàäàä îãòõîí ÷ òààëàãäàõã¿é. Èíãýõýý áîëüöãîîâîë ÿàñàí þì áý? Àëü ÷ óëñûí Õýâëýë ìýäýýëëèéí õýðýãñýë òóõàéí îðíû íèéãìèéí ºí㺠òºðõ, õºãæèë äýâøëèéã èëòãýæ áàéäàã. Ìàíàé óëñ ÷ ñºíºõ íü äýý!!! Ãîìäìîîð, ºðºâäºëòýé ÷ þì äàà õººðõèé!!!

    • Ardchilal geh ene hetsuu niigemd “Hevlel medeelliin heregsel”-uud ginjin holboogoor negdeh yostoi. Getel “Unuudur bolon Zuuni medee” sonin barag l HU namiinh bol “Udriin sonin” Ardchilsan namiin sonin getsgeene. Gevch ene unen!!! Uur hoorondoo terseldeh arslan lugaa adil bie biesee nuden deer ni doosh hiij ard tumnii setgeliigtavguituuleh ni nadad ogthon ch taalagdahgu. Ingehee bolivol yasan yum be?Ali ch uls orni Hevlel medeelliin heregsel tuhain orni niigmiin ungu turh, hugjil devshliig iltgej baidag. Manai uls ch sunuh ni dee!!! Gomdmoor, uruvdultei ch yum daa huurhii!!!

  2. kakadu said

    Өдрийн сонин бол биологич Мягмарсүрэн жорлондоо бааж байхдаа ху намыг яаж чадах вэ гэдгээ бодоод толгойд нь орсон зүйлийг маргааш нь ажил дээрээ ирж сэтгүүлчдээрээ хийлгэдэг тийм сонин. Ийм байдлаар өдөр бүр нэгэн хэмээр өнгөрнө. Тийм учраас ӨС-ийг Өнгөгүй Сонин гэж нэрлээд байгаа. Ямагт нэг “өнгөтэй”, тэр нь ямар өнгө вэ гэдэг нь ойлгомжтой. Чөлөөт хэвлэл гэсэн шошгоо авч хаявал таарна. АН-ын төв хэвлэл гээд илүү сайхан гуншин бэлээхэн байж байхад…

  3. Anonymous said

    бабуго

Сэтгэгдэл бичих

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: